Kólbaevtyń uıymdasqan qylmystyq toby Qarakólde taý shańǵy bazasyn salýdy josparlaǵan

<p>ASTANA. KAZINFORM - Q.Asanbektiń (Kólbaevtiń) uıymdasqan qylmystyq toby zańsyz ıemdengen jer &laquo;Qarakól&raquo; memlekettik tabıǵı parkiniń balansyna qaıtaryldy, dep habarlaıdy Kabar aqparat agenttigi.</p>

Vedomstvonyń málimetinshe, Q.Asanbektiń uıymdasqan qylmystyq tobynyń zańsyz jolmen tapqan kiristerin zańdastyrý faktisi boıynsha qozǵalǵan qylmystyq is aıasynda «Qarakól» taý shańǵy bazasynyń janynda bedeldi aýdanda ornalasqan, naryqtyq quny shamamen 10 mln som bolatyn 2 gektar jer ýchaskesi anyqtalyp, «Qarakól» memlekettik tabıǵı parktiń balansyna qaıtaryldy.

Atalǵan jer ýchaskesinde uıymdasqan qylmystyq topqa qomaqty qarjy ákeletin shańǵy týrıstik bazasyn salý josparlanǵan.

Qyrǵyzstannyń Ulttyq qaýipsizdik komıteti Q.Asanbek pen onyń qylmystyq tobynyń múlkin izdestirý jáne memleketke óteý boıynsha belsendi jedel-izdestirý sharalaryn jalǵastyryp jatyr.

Eske sala ketsek, qazan aıynda Bishkekte arnaıy operatsııa kezinde qylmystyq avtorıtet Qamshy Kólbaevtyń qaza tapqany habarlanǵan bolatyn. 

Keıin Qyrǵyzstannyń 50 keden qyzmetkeri Kamshy Kólbaevpen baılanysy úshin jumystan shyǵaryldy.