Qolaısyz aýa raıyna baılanysty taǵy eki óńirde jol jabyldy

NUR-SULTAN. QazAqparat – Aýa raıynyń nasharlaýyna baılanysty Aqmola jáne Almaty oblysynda kólik qozǵalysy shekteldi, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń resmı Telegram kanalyna silteme jasap.

Qolaısyz aýa raıyna (qar, boran, joldyń nashar kórinýi) 8 aqpanda saǵat 10:30-dan bastap Aqmola oblysynda «Nur-Sultan-Qorǵaljyn» avtojolynyń 19-180 shaqyrymynda «Nur-Sultan q.-Qorǵaljyn qoryǵy» ýchaskesinde barlyq kólik túrleri úshin kólik qozǵalysy shekteldi.

Sondaı-aq 8 aqpanda saǵat 10:00-de Almaty oblysynda qolaısyz aýa raıyna (boran, shekteýli kórinis) baılanysty «Úsharal-Dostyq» avtojolynyń 83-184 shaqyrymynda «Kóktýma st-Dostyq st.» ýchaskesinde («Avtodor NS» ABK qaıta qurýǵa arnalǵan ýchaskesi) avtokóliktiń barlyq túrleri úshin qozǵalysqa shekteý engizildi.

Buǵan deıin habarlanǵandaı, qolaısyz aýa raıyna baılanysty Pavlodar jáne Qaraǵandy oblysy joldarynda qozǵalysqa shekteý qoıylǵan bolatyn.