«Qol jetimdi baspana-2020» baǵdarlamasynda ǵımarattardy jyldam salýǵa negizdegen tehnologııalar paıdalanylmaq

ASTANA. 5 mamyr. QazAqparat - Ǵımarattardy jyldam salýǵa negizdelgen tehnologııalardy paıdalaný arqyly qurylys merzimin jáne turǵyn úı baǵasyn eki esege qysqartýǵa múmkindik bar.

Bul týraly Úkimet otyrysynda «Bazıs-A» kompanııasynyń basshysy Aleksandr Belovıch málim etti.

Onyń sózinshe, qurylys kezinde metallǵa degen qajettilik 40 paıyzǵa tómendeıtin bolady. Sonymen qatar óńdeý materıaldarynyń shyǵyny da qysqarmaq.

Aıta keteıik, búgin Úkimet otyrysynda «Qol jetimdi baspana - 2020» baǵdarlamasy qabyldandy. Onyń aıasynda qol jetimdi turǵyn úıdi arttyrýdyń mańyzdy faktory retinde ındýstrııaldyq turǵyn úı qurylysyn damytý qarastyrylǵan.

Qazirgi kezde Qurylys jáne turǵyn úı-kommýnaldyq sharýashylyq isteri agenttigi, QR Indýstrııa jáne jańa tehnologııalar mınıstrligi, QR Ekonomıkalyq damý jáne saýda mınıstrligi ákimdiktermen birlese Qazaqstan aýmaǵynda  turǵyn úı qurylysy kombınattaryn ońtaıly ornalastyrý máselesin qarastyrýda.

«Bazıs-A» kompanııasynyń basshysy A. Belovıchtiń paıymdaýynsha, bundaı kombınattar elimizdiń ár oblystaryna qajet.