Kól mańynda ornalasqan jazǵy lagerlerde arnaıy shomylatyn oryn joq

<p>ASTANA. KAZINFORM — Tótenshe jaǵdaılar mınıstri Shyńǵys Árinov sý aıdyny mańynda ornalasqan lagerlerde arnaıy shomylý orny jabdyqtalmaǵanyn synǵa aldy.</p>

«Mınıstrlik balalardyń qaýipsizdigine erekshe kóńil bóledi. Shomylý maýsymy bastalarda jáne onyń búkil kezeńinde qutqarýshylar balalarǵa júzý, qutqarý jáne alǵashqy kómek kórsetý daǵdylaryn úıretedi», — dedi TJ mınıstri Úkimet otyrysynda.

Degenmen, bala óliminiń basty sebebi — eresekterdiń balalardy qaraýsyz qaldyrýy.

Osyǵan baılanysty balalar lagerleriniń tárbıeshilerimen jáne ata-analarmen nusqaýlyq ta ótkiziledi. 

«Qazirgi ýaqytta elimizde sý aıdyndarynyń janynda ornalasqan 30-dan astam balalar lageri jumys istep tur. Onyń tek 19-ynda ǵana balalarǵa arnap jabdyqtalǵan shomylý oryndary bar. Oqý-aǵartý mınıstrligi ákimdiktermen birlesip, lagerlerdegi balalardyń qaýipsizdigine arnalǵan sharalardy shuǵyl qabyldaýy qajet», — dep tolyqtyrdy Sh. Árinov.

Aıta keteıik, jyl basynan beri 45 adam, al 1 maýsymnan beri 27 adam sýǵa batyp ketti. 

Mınıstr jaǵajaıdy kisi ólimi tirkelgende ǵana teksere alatynyn aıtyp, tekserý jumystaryn kúsheıtýdi usyndy.