Qol astyndaǵylardy úıin salýǵa jumsaǵan QTJ qyzmetkeri jumysynan qýyldy
18:19, 07 Tamyz 2020
NUR-SULTAN. QazAqparat – Qol astyndaǵy temirjolshylardy óz úıin salýǵa jumsaǵan QTJ qyzmetkeri jumysynan qýyldy, dep habarlaıdy QazAqparat.
«QTJ»UK» AQ baspasóz qyzmetiniń habarlaýynsha, áleýmettik jelide karantın kezinde óziniń qyzmettik ókiletin asyra paıdalanǵan Jańaarqa dıstantsııasynyń baılanys jáne sıgnaldaý basshysy Nurhan Kóbdikov týraly vıdeo taralǵan. Ol qyzmetkerlerin óz úıiniń qurylys jumystaryna jumsaǵan.
«Qyzmetkerdiń bul áreketi «QTJ»UK» AQ korporatıv qundylyqtaryna, iskerlik etıka kodeksine jáne basqa da ishki normatıvtik qujattarǵa qaıshy. Sondyqtan 2020 jylǵy 7 tamyzda Nurhan Kóbdikovpen eńbek shartyn buzdyq», delingen habarlamada.
«QTJ» UK» AQ basshylyǵy Jańaarqa baılanys jáne qashyqtan sıgnaldaý basshysynyń áreketi orynsyz ekenin aıtyp, aıyptap otyr.