Kókjaılaý shatqalynan túse almaǵan týrıstke qutqarýshylar kómektesti

ALMATY. QazAqparat - 13 tamyzda túngi saǵat 1.15-te TJM Respýblıkalyq jedel-qutqarý jasaǵynyń jedel toby týrısti izdeýge taýǵa shyqty, dep habarlaıdy QazAqparat.

2005 jyly týǵan jas jigit 12 tamyzda tańerteń Kókjaılaý shatqalyna ketip, onyń telefony óshirýli bolǵan.

«Qutqarýshylar taýda joǵalǵan adamdy túngi saǵat úshte tapty. Qatty jaýǵan jańbyr men qarańǵy túsýine baılanysty týrıst shatqaldan ózdiginen túse almaǵan.

Saǵat 5.20-da qutqarýshylar jasóspirimdi týystaryna jetkizdi», - dep jazdy Respýblıkalyq jedel-qutqarý jasaǵynyń baspasóz qyzmeti.

TJM qutqarýshylary eske salady: taýǵa shyqpas buryn baǵytyńyzdy, aýa raıyn zertteńizder, týystaryńyzǵa nemese tanystaryńyzǵa ózderińizdiń baǵytyńyz jáne qalaǵa oralý ýaqytyn aıtyp ketken jón.

Sonymen qatar, mindetti túrde ózińizben sý ótkizbeıtin pakette sirińke men zarıadtalǵan paýerbank alyp júrińizder.