«Kókjaılaý» shatqalyn Іle Alataýy ulttyq parkine qaıtarý máselesi qaralýda

NUR-SULTAN. QazAqparat - Ekologııa mınıstrligi «Kókjaılaý» shatqalyn Іle Alataýy ulttyq parkiniń quramyna qaıtarý məselesin pysyqtaýda, dep habarlaıdy QazAqparat vedomstvonyń baspasóz qyzmetine silteme jasap.

«Kókjaılaýdy» ulttyq park quramyna qaıtarý qoldanystaǵy zańnamaǵa səıkes júzege asyrylady.

«Qazirgi ýaqytta Ekologııa, geologııa jəne tabıǵı resýrstar mınıstrligi «Kókjaılaý« shatqalyn ulttyq park quramyna qaıtarý məselesin pysyqtaýda. Shatqaldy ulttyq park quramyna qaıtarý qoldanystaǵy zańnamaǵa səıkes, ulttyq parktiń aýmaǵyn keńeıtý bolyp tabylady. Sheshim oń ekologııalyq saraptama tujyrymdamasyn alǵan tabıǵı-ǵylymı jəne tehnıkalyq-ekonomıkalyq negizdeme boıynsha qabyldanady», - delingen habarlamada.
Eske salsaq, 2014 jyly Úkimettiń qaýlysymen jalpy aýmaǵy 1002 gektar Іle Alataýy memlekettik ulttyq tabıǵı parkiniń jeri aıryqsha qorǵalatyn tabıǵı aýmaq sanatynan Almaty qalasynyń Medeý aýdanynyń qory sanatyna «Kókjaılaý» taý shańǵysy kýrortynyń qurylysy men jumys isteýi úshin berilgen bolatyn.
2019 jylǵy qazanda Qazaqstan Respýblıkasynyń Prezıdenti Qasym-Jomart Toqaev jurtshylyqtyń pikirin eskere kelip, «Kókjaılaý» shatqalynda taý shańǵysy kýrortyn salý jobasyna tyıym salǵan edi.
Parlament Məjilisi depýtattary zańnamaǵa aıryqsha qorǵaýdaǵy tabıǵı aýmaqtardy týrızm nysandary qurylysy úshin paıdalanýǵa berý múmkindigin joıýǵa qatysty túzetýler engizý týraly bastama kótergen.
Bul túzetýler 2019 jylǵy 28 qazanda №268-VI «Qazaqstan Respýblıkasynyń keıbir zańnamalyq aktilerine agroónerkəsiptik keshendi retteý týraly» QRZ arqyly qabyldanǵan bolatyn.