Qoqysta qalǵan Abaıdyń músini Óskemendegi mekteptiń aýlasyna qoıylady
23:28, 04 Qazan 2018
ÓSKEMEN. QazAqparat - Óskemende qoqysta qalǵan Abaıdyń eskertkishi qaladaǵy №33 mektepke qoıylatyn boldy, dep habarlaıdy altaynews.kz.
Bul týraly Óskemen qalasynyń ákimi Jaqsylyq Omar Shyǵys kentiniń turǵyndarymen bolǵan kezdesýde aıtty.
«Abaıdyń músinin osy jerge qoıamyz. Biraq, bir kemshiligi - eskertkishtegi beıne durys jasalmaǵan. Qaıta jóndeýimiz kerek. Abaıdyń beınesin qalaı bolsa, solaı jasaı bermeımiz ǵoı. Abaıdyń eń sátti shyqqan músini Almatydaǵy Respýblıka saraıynyń aldynda tur. Ol Muhtar Áýezovtyń keńesimen jasalǵan. Biz de sol nusqaǵa saı jasaýymyz kerek», -dedi qala ákimi.