Kóktemgi sý tasqyny, tarıf jáne sý qoımalarynyń múshkil jaǵdaıy: Mınıstrlik máseleni qalaı sheshpek
Aqpan aıynda aýa raıy qandaı bolady?
«Qazgıdromet» RMK bas dırektorynyń orynbasary Serik Saıyrovtyń málimdeýinshe, elimizde qys sońyna deıin nólden tómen temperatýra saqtalady. Sondyqtan qar aıaq astynan erip ketedi deýge bolmaıdy.
Degenmen qysqy jaýyn-shashynnyń sáýirge deıin jalǵasatynyn eskere otyryp, kún raıyna qatysty ózgerister bolýy múmkin.
«Ázirge eki óńirde jaýyn-shashyn normadan tómen, degenmen qys áli alda. Sáýirge deıin eki aı bar, sondyqtan ózgerister bolýy múmkin», - dedi S. Saıyrov atalǵan mekemede ótken brıfıngide.
Mamandardyń boljamynsha, qazir salystyrmaly túrde Qaraǵandy, Aqmola, SQO, Qostanaı jáne Aqtóbe oblystarynda ylǵal qory joǵary. Al BQO, Atyraý oblysynda kerisinshe tómen.
«Aldyn ala boljam boıynsha aqpanda elimizdiń basym bóliginde aýa temperatýrasy klımattyq normaǵa jaqyn. Ońtústik óńirlerde normadan 1 gradýs joǵary. Aqpan aıynda jaýyn-shashyn respýblıkanyń basym bóliginde qalypty normaǵa jýyq. Atap aıtqanda, Atyraý, Mańǵystaý, BQO, Aqtóbe jáne Qostanaı oblystarynda jaýyn-shashyn mólsheri normada az bolady dep kútilýde. Al Túrkistan, Qyzylorda, Jambyl, Almaty, Jetisý jaýyn normadan asyp túsedi dep boljanýda»,- dedi QR Ekologııa jáne tabıǵı resýrstar mınıstrligi Sý resýrstary komıteti tóraǵasynyń mindetin atqarýshy Dosbol Bekmaǵambetov «Qazgıdromet» mekemesinde ótken baspasóz máslıhatynda.
Bıyl kóktemgi sý tasqyny qaýpi
Ekologııa mınıstrliginiń ókili Dosbol Bekmaǵambetovtiń aıtýynsha, bıyl sý tasqyny qaýpin boljaý jáne aldyn alý sharasy jyldaǵydan erte bastaldy.
Atalǵan másele mınıstrliktiń erekshe baqylaýynda.
Spıker keltirgen derekke sáıkes, elimiz boıynsha tótenshe jaǵdaıǵa 1403 birlik avtokólik jáne arnaıy tehnıka, 50 000 tonna ınertti materıal, 38 200 qum salynǵan qap daıyndaldy.
Sonymen qatar sý komıtetiniń ýaqytsha basshysy sý tasqyny qaýpi Qyzylorda, Mańǵystaý oblysynda tómen, Ulytaý jáne Pavlodar oblysynda ortasha, al qalǵan óńirlerde qaýip joǵary degen málimetti keltirdi.
«Sý tasqyny kezeńine daıyndyq maqsatynda bizdiń mınıstrlik Tótenshe jaǵdaılar mınıstrligimen birlesip sý sharýashylyǵy jaǵdaıy men gıdrotehnıkalyq qurylymdardyń jaı-kúıine turaqty baqylaý júrgizilýde. Qaýipsizdikti qamtý maqsatynda kezekshilik kestesi bekitilip, sý sharýashylyǵy jaǵdaıyna turaqty monıtorıng júrgizilip jatyr. Sonymen qatar barlyq gıdrotehnıkalyq qurylymda sý tasqynynyń aldyn alý is-sharalar jospary ázirlenip, bekitildi. Obektilerdi tekserý aktileri men daıyndyq pasporttary, sondaı-aq tótenshe jaǵdaı týyndaý qaýpi bar obektileriniń tizimi jasaqtaldy»,- dedi Dosbol Bekmaǵambetov baspasóz máslıhatynda.
BAQ ókilderiniń kóktemgi sý tasqyny qaýpine qatysty naqtylaý saýalyna «Qudaı qalasa bári jaqsy bolady»,-dep qysqa qaıyrdy spıker.
Elimizdegi sý qoımalarynyń búgingi hal-ahýaly
Belgili bolǵandaı, Qazaqstandaǵy sý qoımalarynyń qoldaný merzimi áldeqashan ótip ketken. Zań boıynsha 25 jylǵa berilse, paıdalanýǵa berilgenine 70 jyldan asqan sý qoımalary bar bolyp shyqty.
«Jalpy sý qoımalary 25 jylǵa deıin paıdalanylady, biraq, elimizdegi sý qoımalaryna 25 jyldan asyp ketken. Olardyń arasynda 50-70 jyl boıy qoldanylyp kele jatqan qoımalar bar. Degenmen jyl saıyn basseın ınspektsııasy, Tótenshe jaǵdaılar mınıstrligi jáne jergilikti atqarýshy organdarmen birlesip sý qoımalarynyń jaǵdaıy tekseriledi. Qaýip, kúmán týyndaǵan jaǵdaıda arnaıy sertıfıkaty bar mekemeni tartyp, istiń mán-jaıy anyqtalady, olar bizge qorytyndy beredi»,- dedi QR Ekologııa jáne tabıǵı resýrstar mınıstrligi sý resýrstary komıteti tóraǵasynyń mindetin atqarýshy Dosbol Bekmaǵambetov «Qazgıdromet» mekemesinde ótken baspasóz máslıhatynda.
Onyń aıtýynsha, elimizdegi 30 sý qoımasy jańartýdy talap etedi. Іri sý qoımalardyń ortasha tolymdylyǵy 60-75% quraıdy jáne qosymsha sý qoryn qabyldaýǵa oryn jetkilikti.
Odan bólek, shara barysynda elorda irgesindegi Astana sý qoımasyna sý qoryn jetkizý máselesi kóterildi.
«Astana sý qoımasy boıynsha búginde ýaıymdaıtyndaı esh másele joq. Qoımadaǵy sý qory normaǵa jýyq, 300 mln tekshe sý bar. Jyl saıyn elorda jurtyn sýmen qamtý úshin 95 mln tekshe sý qajet. Aldaǵy ýaqytta sý tapshylyǵy máselesi týyndaıdy. Óıtkeni, qala halqy jyl sanap ósip keledi. Osy oraıda Astana sý qoımasynda qosymsha sý qoryn retteý úshin bizdiń mınıstrlik eki jobany júzege asyryp jatyr. Ol boıynsha Ertis basseıninen Esil ózenine qosymsha sý qory jetkiziledi»,- degen jaýap qatty mınıstrlik ókili.
Sý tarıfi qymbattaýy múmkin
Búginde Ekologııa mınıstrligi sý tarıfin qaıta qaraýǵa qatysty quzyrly organdardyń qaraýyna usynystar ázirlep jatyr.
«Búginde respýblıkaǵa qarasty 3440 sý kanaly júıeleri bar. Sharýalarǵa sý sol júıeler arqyly jetkiziledi. Sý kanaly júıeleri kezinde kommýnaldyq menshikte bolyp, kóbi qazirgi sý tarıfine kirmegen. ıAǵnı qazirgi tarıf boıynsha olardy kútip ustaýǵa qarjy qarastyrylmaǵan. Osy oraıda bıyl biz memlekettik quzyrly organdarǵa óz usynysymyzdy joldaımyz. Kelesi jyly ádiletti sý tarıfi bekitiledi dep oılaımyz»,- dedi «Qazsýashar» RMK bas dırektorynyń paıdalaný jáne avtomatızatsııa jónindegi orynbasary Erbol Salıhbaev BAQ ókilderiniń saýalyna jaýap bere otyryp.
Sondaı-aq, spıker sý salasy mamandarynyń jalaqysyn kóterý máselesin qozǵady. Onyń aıtýynsha, atalǵan sala qyzmetshileriniń ortasha jalaqysy 90 myń teńgeden aspaıdy.
«Sý salasy qyzmetkerleri - elimizdegi eń tómen jalaqy alatyndardyń biri. Sondyqtan da problemany tarıf arqyly sheshpesek, basqa joly joq. Memleketten qarjy almaımyz, qansha kólemde sý jetkizemiz, sony aqysyn sharýalardan jınap alamyz»,- deıdi ol.
Foto: gov.kz