Kóktemgi sý tasqyny: ShQO-da qaýipti ýchaskelerdi baqylaýǵa 260 volonter tartyldy
Kóktem taıaǵan saıyn sý tasqyny qaýpi arta túsetini belgili. Shyǵys Qazaqstanda sý tasqynyna beıim 71 eldi meken bar. Búginde atqarylǵan sharalardyń nátıjesinde, 15 eldi mekende qaýip tolyqtaı joıylyp, 46-synda azaıtylǵan.
ShQO Aqparat ortalyǵynyń málimetinshe, qazirgi ýaqytta qutqarýshylarǵa volonterler de kómektesýde. Olar sý tasqyny qaýpi bar ýchaskelerge turaqty monıtorıng júrgizip, aýlalardy qardan tazartyp, turǵyndarǵa qaýipsizdik erejelerin túsindirýde.
«Oblys boıynsha barlyǵy 260 volonter jumyldyryldy. Jeke sektordyń, jalǵyz turatyn qarttardyń, kópbalaly jáne az qamtylǵan otbasylardyń úılerin qardan tazartý boıynsha 20-dan astam shara ótkizdi. Sondaı-aq eriktiler TJD ókilderimen birlesip qalalar men aýdandarda úılerdi aralap, halyqqa sý tasqyny qaýpi týraly 2500-ge jýyq jadynama taratty», - delingen habarlamada.
Eske salsaq, osyǵan deıin Shyǵys Qazaqstanda úılerdi sý bassa, halyqty evakýatsııalaıtyn 68 oryn daıyndalǵany habarlanǵan.