Kóktemde Qashaǵan ken ornynda munaı óndirý toqtaıdy

ATYRAÝ. QazAqparat - Kóktemde Atyraý oblysynda, Kaspıı teńiziniń Qazaqstan sektorynda ornalasqan Qashaǵan ken ornynan munaı óndirý toqtatylady, dep habarlaıdy «QazAqparat» HAA tilshisi.

«2019 jyly kóktemde «Bolashaq» munaı jáne gazdy keshendi daıyndaý qondyrǵysyna tehnıkalyq qyzmet kórsetý jáne kúrdeli jóndeýden ótkizý úshin jumys toqtatylady. Bul mundaı iri óndiris oryndary úshin qalypty jaǵdaı. Kez kelgen zaýyt profılaktıkalyq jumystardy júrgizý úshin toqtatylady. Qondyrǵylar tekserilip, keıbiri almastyrylady. Bul shamamen birneshe aptaǵa sozylady. Qubyrlardy almastyrý josparymyzda joq», - dep málimdedi NKOK kompanııasynyń korporatıvtik qoldaý jónindegi dırektory Baltabaı Qýanyshev «QazAqparat» HAA tilshisine.

B. Qýanyshevtyń aıtýynsha, Qashaǵan teńiz ken orny iske qosylǵan 2016 jyldyń qyrkúıeginen beri 16 mıllıon tonna munaı óndirilip, tutynýshylarǵa jiberigen.

Aıta keteıik, «Bolashaq» munaı jáne gazdy keshendi daıyndaý qondyrǵysy Atyraýdan 30 shaqyrym jerdegi Qarabatanda ornalasqan. Munaı oǵan Kaspıı teńizindegi «D» jasandy aralynan qubyrlar arqyly keledi.