Kóktemde astyq tuqymy tapshy bolýy múmkin – Ivan Saýer

<p>Sharýalar ónip ketken astyq dánin satýda problemaǵa tap bolyp otyr. Bul týraly &laquo;Rodına&raquo; agrofırmasy&raquo; JShS-niń bas dırektory Ivan Saýer aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Astyqtyń deni ónip ketti. Sondyqtan ony satýda aıtarlyqtaı problema bar. Sondaı-aq kóktemde tuqymmen de kúrdeli jaıt qalyptasýy múmkin dep oılaımyn. Óıtkeni kóptegen sharýashylyqtar múldem tuqymdary joq ekendigin aıtyp jatyr. Demek, búginnen bastap oılastyrý qajetti problemalar týyndap otyr», - dedi Ivan Saýer Májilistegi dóńgelek ústel otyrysynan keıin agenttik tilshisiniń saýalyna oraı.

Agrofırma basshysy sharýalardy sýbsıdııalaý máselesine qatysty problemalarǵa da toqtaldy.

«Sýbsıdııalaý boıynsha tsıfrda óte úlken alshaqtyq bar. Kúz basynda mınıstr Saparov baıandama jasap, sýbsıdııa boıynsha bereshek shamamen 155 mlrd teńge ekenin aıtqan edi. Bul tsıfr sharýalar aıtyp otyrǵan derekpen para-par desek te bolady. Alaıda, oblystyq aýyl sharýashylyǵy basqarmalarynyń derekterimen bul tsıfrdy salystyrǵanda bereshek tek shamamen 90 mlrd teńge ǵana bolyp shyqty. Árıne, ádiletsiz derek. Bul jergilikti oblystyq aýyl sharýashylyǵy basqarmalarynyń kemshiligi sııaqty», - dedi ol.