Kóktem mezgiliniń qaı kúnderinde balyq aýlaýǵa tyıym salynady – Ekologııa mınıstrligi
QR ekologııa, geologııa jáne tabıǵı resýrstar mınıstrligi «Janýarlar dúnıesin qorǵaý, ósimin molaıtý jáne paıdalaný týraly» QR Zańy jáne QR AShM Orman sharýashylyǵy jáne janýarlar dúnıesi komıtetiniń 2015 jylǵy 24 shildedegi buıryǵy boıynsha Qazaqstanda balyqtardyń ýyldyryq shashýy jáne kóbeıýi kezeńinde balyq aýlaýǵa jyl saıyn shekteýler engiziletinin habarlaıdy.
Bul sharalar óte mańyzdy, óıtkeni keıbir balyq túrleriniń popýlıatsııasy edáýir azaıyp nemese múldem joıylyp ketýi múmkin. Mundaıǵa jol bermeý úshin sý basseınderinde balyq aýlaý zııan tıgizýi múmkin naqty kúnder anyqtalady.
Mysaly, Aral-Syrdarııa basseıni boıynsha Shardara sý qoımasy sý aılaǵynan 1 sáýir men 20 mamyr aralyǵynda, Túrkistan oblysy shegindegi sý aıdyndarda jáne Shardara sý qoımasynan Qyzylorda oblysynyń ákimshilik shekarasyna deıingi Syrdarııa ózeninde 15 sáýir men 31 mamyrdy qosa alǵandaǵy aralyqta balyq aýlaýǵa tyıym salyndy.
Balqash-Alakól basseıni boıynsha Balqash kólinde 15 sáýir men 1 maýsym aralyǵynda, Qapshaǵaı sý qoımasynda jáne oǵan quıatyn barlyq ózender men aǵyn sýlarda 5 sáýir men 20 mamyr aralyǵynda balyq aýlaýǵa tyıym salynady.
Ertis basseıni, Qaraqastan bastap birinshi Batın shoqysyna deıin Buqtyrma sý qoımasynyń kól-ózen bóliginde 16 sáýir men 30 mamyr aralyǵynda, Buqtyrma sý qoımasynyń tereń sý bóliginde birinshi Batın shoqysynyń basynan bastap aǵysty boılap tómen qaraı Buqtyrma GES-ne deıin 1 mamyr men 15 maýsym aralyǵynda balyq aýlaýǵa tyıym salyndy.
Esil basseıniniń sý aıdyndarynda shortan, aqqaıran jáne kókserke aýlaýǵa (aýlaýǵa, jınaýǵa, daıyndaýǵa) 15 sáýirden 15 mamyrǵa deıin, sazan (tuqy) 20 mamyrdan 20 maýsymǵa deıin, gammarýs 1 tamyzdan 14 qyrkúıekke deıin jáne basqalarǵa tyıym salynady.
Nura-Sarysý basseıninde 20 sáýirden 20 mamyrǵa deıin kókserke, 1 mamyrdan 30 maýsymǵa deıin sazan (tuqy) aýlaýǵa tyıym salyndy. Tobyl-Torǵaı basseıni sheńberinde Qostanaı oblysynyń Arqalyq qalasy, Amangeldi, Jangeldın aýdandarynyń sý aıdyndarynda 20 naýryzdan bastap 20 sáýirge deıin shortan, sazan (tuqy), taban, laı, kókserke aýlaýǵa 20 sáýirden bastap 30 mamyrǵa deıin tyıym salynady.
Jaıyq-Kaspıı basseıni men Qıǵash ózeni boıynsha 25 mamyrdan bastap 31 tamyzǵa deıin Kaspıı teńiziniń qazaqstandyq sektorynyń soltústik bóliginiń sý aıdynynda, 1 sáýirden bastap 31 tamyzǵa deıin Jaıyq jáne Qıǵash ózenderiniń qosalqy sý aıdyndarynda balyq aýlaýǵa tyıym salyndy. Sondaı-aq, 1 naýryz ben 1 shilde aralyǵynda Shý-Talas basseıniniń Bılikól, Bógetkól jáne Aqkól kólderin ózara baılanystyratyn Asa ózeninde jáne onyń salalarynda balyq aýlaýǵa tyıym salynady.