Kóktaıǵaqta sebetin ınertti materıal byltyrǵydan 3 ese kóp daıyndaldy – «QazAvtoJol» basshysy

<p>ASTANA. KAZINFORM &ndash; Bıyl qysqy kóktaıǵaqta sebiletin tehnıkalyq tuz, qum, hımııalyq reagent sekildi materıaldar byltyrǵydan 3 ese mol daıyndalǵan. Bul týraly &laquo;QazAvtoJol&raquo; UK&raquo; AQ basqarma tóraǵasy Darhan Imanashev málim etti. &nbsp;</p>

«Búginde respýblıkalyq mańyzy bar avtojoldar jelisiniń jalpy uzyndyǵy 25 myń shaqyrymdy quraıdy. 3,6 myń shaqyrym kúre jolda qaıta jańartý jáne kúrdeli jóndeý jumystary júrgizilýde. 3,2 myń shaqyrym aqyly ýchaskelerdi qosa alǵanda, jalpy uzyndyǵy 21,4 myń shaqyrym avtojol kútip-ustaý jumystarymen qamtylǵan. Bıyl 63 myń tonna tehnıkalyq tuz, 104 myń tekshe metr qum, 172 myń tekshe metr qıyrshyq tas qaldyǵy, 1,2 myń tonna hımııalyq reagent daıyndalǵan. Byltyrǵy jylmen salystyrar bolsaq, kóktaıǵaqqa qarsy materıaldyń kólemi 3 ese ulǵaıǵan», - dedi «QazAvtoJol» basshysy OKQ alańynda ótken baspasóz máslıhatynda.

Kompanııa basshysy respýblıkalyq avtojoldarda jyl boıy úzdiksiz qyzmet kórsetetin uıym – «KAJServıs» JShS ekenin atap ótti. 

«Qysqy kútip-ustaý jumystaryna daıyndyq tııanaqty uıymdastyrýdy jáne qubylmaly klımat jaǵdaıynda jedel áreket etýge daıyn bolýdy qajet etedi. Mundaǵy negizgi aspektilerdiń biri – jol tehnıkasymen qamtamasyz etý. 2022 jyly «QazAvtoJol» UK» AQ men «KAJservıs» JShS-in biriktirý úrdisi bastalǵan kezde tehnıkanyń jalpy sany nebári 1100 bolǵan. Bul normatıvti qajettiliktiń tek 25% quraıdy. Búginde tehnıka parki keńeıip, sany 1718 birlikke, ıaǵnı 39% jetti. Bul saladaǵy jańartý jáne modernızatsııalaý jumystary áli de jalǵasýda», - dedi D.Imanashev.

Sondaı-aq spıker uzaq jyldar boıy jasalǵan taldaýlarǵa negizdele otyryp, qar basý qaýpi bar 2,2 myń shaqyrym ýchaske anyqtalǵanyn aıtty. Bul jerlerge 31 myń ýaqytsha aǵash qalqandar ornatylyp, qar qorshaýlary men bilikteri jasalmaq.

Basqarma tóraǵasynyń aıtýynsha, aýa-raıy kúrt ózgergen jaǵdaıda, qalypty kólik qozǵalysyn qamtamasyz etkenge deıin jolda qalǵan jolaýshylar ýaqytsha ornalastyrýǵa arnalǵan qaýipsiz jáne jaıly jylytý pýnktterine toqtaı alady. Avtojoldardaǵy aǵymdaǵy ahýal týraly ózekti aqparatty táýlik boıy jumys jasaıtyn 1403 baılanys ortalyǵy, Sapar mobıldi qosymshasy nemese Kaztoll.kz saıty arqyly bilýge bolady.

Budan bólek byltyr qysta qar qursaýynan 2 myń avtokólik shyǵarylyp, 3 myńnan astam azamatqa kómek kórsetilgeni atalyp ótti.

Aıta keteıik, buǵan deıin «QazAvtoJol» basshysy Azııa damý bankinen nesıege alatyn 291 mln dollar qaıda jumsalatynyn aıtqan edi.