Kóktaıǵaq, jańbyr, qar – 30 qazan kúngi aýa raıy boljamy

ASTANA. QazAqparat – 30 qazanda Qazaqstan aýmaǵynyń basym bóliginde atmosferalyq fronttardyń áserinen kún raıynyń qubylmaly sıpaty kútiledi – jańbyr men qar túrinde jaýyn-shashyn bolady.Tek Aqmola, Soltústik Qazaqstan, Shyǵys Qazaqstan oblystarynda soltústik-batys antıtsıklonynyń áserinen jaýyn-shashynsyz aýa raıy saqtalady. Respýblıka boıynsha tuman, kóktaıǵaq, jeldiń kúsheıýi boljanady. QazAqparat bul týraly Qazgıdrometke silteme jasap habarlaıdy.

Astana qalasynda: kóshpeli bultty, kúndiz azdaǵan jaýyn-shashyn (jańbyr, qar) bolady. Ońtústik-shyǵystan soǵatyn jel ekpini 2-7 m/s quraıdy. Aýa temperatýrasy túnde: 4-6 gradýs aıaz, kúndiz: 2-4 gradýs jyly.

Almaty qalasynda: kóshpeli bultty, kúnniń ekinshi jartysynda jańbyr jaýady. 3-8 m/s ekpinmen jel soǵady. Aýa temperatýrasy túnde: 4-6, kúndiz: 13-15 gradýs jyly.

Shymkent qalasynda: kóshpeli bultty, jańbyr, tańerteń jáne kúndiz keı ýaqytta jańbyr jaýady. Batystan 8-13 m/s kúshpen jel soǵady, tańerteń jáne kúndiz ekpini 15-20 m/s quraıdy. Aýa temperatýrasy túnde: +6+8, kúndiz: +10+12 gradýs jyly.