Kóktaıǵaq: Erteń qostanaılyq oqýshylar úıden oqıdy

<p>Qostanaıda qolaısyz aýa raıyna baılanysty kommýnaldyq qyzmetter kúsheıtilgen jumys rejımine kóshti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qala bıligi turǵyndarǵa úndeý jasady.

— Aýa raıynyń nasharlaýyna baılanysty (jańbyr, kóktaıǵaq) kólik aǵynynyń jyldamdyǵy tómendep, qozǵalys aralyǵy artty. Túsinistikpen qaraýyńyzdy suraımyz, — dep túsindirdi qala ákiminiń baspasóz qyzmeti.

Foto: Darıa Averchenko/Kazinform

Qazir qala kóshelerinde qum sebetin mashınalar júr. Olar jol, trotýar, aıaldamalarǵa qum-tuz qospasyn shashyp jatyr. 

Saǵat 21:00-den keıin (qarbalas saǵattan soń) greıderler men shótkeli traktorlar jumysqa kirisedi. 

Foto: Darıa Averchenko/Kazinform

Ákimdik sondaı-aq balalardyń qashyqtan oqýǵa kóshetinin jetkizdi. 

— Qostanaı oblysynda jaýyn-shashyn men kóktaıǵaq saldarynan kámeletke tolmaǵan balalar jaraqat almas úshin 5 jeltoqsanda birinshi aýysymdaǵy 0-11 synyp oqýshylary men kolledjdiń barlyq kýrs stýdentteri onlaın oqýǵa aýystyrylady, — dep túsindirdi bilim bóliminiń baspasóz qyzmeti.  

Foto: Darıa Averchenko/Kazinform