«Kóktal-2» kesheniniń úleskerlerine qurylysty aıaqtaý múmkindigi týdy

ASTANA. QazAqparat - «Kóktal-2» turǵyn-úı kesheniniń aldanǵan úleskerleri uzaq kútken qurylysty aıaqtap, óz páterlerine kirý múmkindigi týdy, dep habarlaıdy Astana qalasy prokýratýrasynyń baspasóz qyzmeti.

Astana qalasy Almaty aýdandyq sotynyń 21 maýsymdaǵy sheshimimen «Jańa Kóktal» TÚQK-niń 200-den asa úleskerlerdiń quqyǵyn qorǵaıtyn qala prokýrorynyń talap aryzy qanaǵattandyryldy.

Josyqsyz qurylys salýshy «Tólendi» TÚQK jáne A.S.Baıjumanovtan («Tólendi» TUQK-niń tóraǵasy jáne jer teliminiń menshik ıesi) 1mlrd 655 mln teńge óndirilip, daıyndyǵy 85-90% aıaqtalmaǵan «Kóktal 2» turǵyn-úı kesheni jer telimimen qosa jańa qurylǵan «Jańa Kóktal» TÚQK-na berildi.

Sot sheshimi dereý oryndaýǵa joldandy.

Atalǵan sot sheshimin alǵannan keıin «Jańa Kóktal» TÚQK atalǵan turǵyn-úı keshenin ádilet organdarynda tirkeý sharalary bastalady.

Qazirgi ýaqytta turǵyn-úı qurylys kooperatıvinde qurylysty óz múmkindikterimen aıaqtaýǵa nemese ınvestorlardy kómekke shaqyrý quqyǵy bar.