Kókshetaýlyqtar Azıada chempıony Dmıtrıı Aleksanındi qushaq jaıa qarsy aldy
Aqmola oblysynyń dene shynyqtyrý jáne sport basqarmasy baspasóz qyzmetiniń dereginshe, aqmolalyq Dmıtrıı Aleksanın Indonezııada ótken jazǵy 18-shi Azııa oıyndarynda semserlesýden synǵa túsken bolatyn. Baıraqty jarysta Dmıtrııdiń baǵy janyp, jekeleı esepte altyn, komandalyq esepte ekinshi oryn aldy. Ásirese, onyń fınalda 2016 jylǵy Olımpıada chempıony ońtústikkoreıalyq Pak San Endi 15:12 esep aıyrmasymen utqany uzaq ýaqyt jankúıerleriniń esinde qalatyny sózsiz.
Kókshetaý áýejaıynda Azıada chempıonyn jankúıerleri, oblystyq dene shynyqtyrý jáne sport basqarmasynyń ókilderi, jattyqtyrýshylary, týystary men dostary qushaq jaıa qarsy aldy.
Dmıtrıımen birge, trıatlonnan kúmis júldeger Aıan Beısembaev pen onyń jattyqtyrýshysy ıÝrıı Solovev te birge ushyp keldi.
Eske sala keteıik, jaqynda Aqmola oblysynyń ákimi Málik Myrzalın Dmıtrıı Aleksanınge aqmolalyqtar atynan quttyqtaý jedelhatyn joldaǵan edi.
Jedelhatta «Siz bul dúbirli jarysta bizdiń oblysymyzdyń ókili retinde úlken jeńiske jettińiz. Sizge jeńis jolynda jumsaǵan erik kúshińiz ben sheberligińiz úshin alǵysymdy bildiremin. Siz ózińizge degen bapkerlerińiz ben jankúıerlerińizdiń úlken senimin aqtap qana qoımaı, týǵan Otanymyz Qazaqstannyń sporttaǵy bıik jetistikterin álemge pash ettińiz» delingen bolatyn.