Kókshetaýlyq pikirtalasshylar respýblıkalyq týrnırde jeńimpaz atandy

KÓKShETAÝ. QazAqparat - «EKSPO-2017» halyqaralyq mamandandyrylǵan kórmesine oraı uıymdastyrylǵan 11-shi respýblıkalyq pikirtalas saıysynda kókshetaýlyq pikirtalasshylar Nurahmet Erqanat pen Sembi Ádilet týrnır tóreshilerine qazaqstandyq sheneýnikterdiń otandyq ónimdi satyp alý kerektigin sendirdi, dep habarlaıdy «QazAqparat» HAA tilshisi oblystyq ishki saıasat basqarmasyna silteme jasap.

Oblystyq jastar máselesi jónindegi basqarmanyń málimeti boıynsha «Bul palata, qazaqstandyq sheneýnikter otandyq ónimdi satyp alýy kerek dep esepteıdi» taqyrybymen ótken fınaldyq oıynda 38 komandanyń arasynda kókshetaýlyq «MY kak Harvı, tolko debatery» komandasy «ıá» degen tujyrymdy pikirmen týrnır tóreshilerine qazaqstandyq sheneýnikterdiń otandyq ónimdi satyp alý kerektigin sendirdi.

«Ádilet pen Erqanatty men kópten bilemin. Bul ekeýi talantty, bilimdi, kelesheginen úmit kúttiretin jastar. Daıyndyqtary joǵary deńgeıde bolǵan olar qarsylastyryn aıqyn basymdyqpen jeńdi» - dedi týrnırdiń bas sarapshysy Dastan Qalıev. 

Eske sala keteıik, pikirtalas týrnıri Qostanaı qalasynda ótken bolatyn. Oǵan elimizdiń ár óńirinen 50 komanda qatysty.

«Biz jeńiske jetkenimizge óte qýanyshtymyz. Bizge qoldaý bildirgenderge alǵysym sheksiz», - dedi  Ádilet Sembi óz sózinde.