Kókshetaýlyq qarııa maıdanda kóz jumǵan ákesiniń qabirin 76 jyldan keıin tapty
Ekinshi dúnıejúzilik soǵys kóp adamnyń ómirin qyrshynynan qıdy. Habar-osharsyz ketkenderdi izdeý jumysy búgingi kúnge deıin jalǵasyp jatyr.
Ákesiniń, atasynyń, úlken atasynyń taǵdyry týraly eshteńe bilmeıtin kez kelgen adam áli kúnge deıin ata-babasynyń qabirin tapsaq dep úmittenedi.
«Meniń ákem Georgıı Qaısen 1944 jyly maıdanǵa attanǵanda, men úsh jasta edim, sondyqtan esimde joq. Ómirimde kóptegen baqytsyzdyqtardy basymnan ótkerdim: úlken apam ish súzeginen kóz jumdy, anam bandylardyń qolynan qaza boldy. Meni týystarym baýyrlaryna basyp, tárbıeledi. Men olardan ákem týraly suraǵanda qysqa qaıyryp, «habar-osharsyz ketti» dep aıtatyn edi», - deıdi TJD ardageri Alekseı Kaısın.
Mektepti bitirgen soń ol aýdandyq bilim bólimine júgindi, sol jerden ony Moldavııa KSR astanasy Kıshınevke, keıin soǵysta jetim qalǵan kóptegen balalar sııaqty Máskeýge jiberildi.
«Onda olar meniń ómirbaıanymdy muqııat tyńdap, Qazaqstanǵa baryp, tyń jerlerdi kóterýdi usyndy. Osylaısha, men aldymen Shyǵys Qazaqstanda eki jyl aýyl sharýashylyǵy mamandyǵy boıynsha oqydym. Ol kezde tyń ıgerý týraly derekti fılmder men gazet maqalalarynan ǵana biletinmin. Artynsha, bizdi Chıstopol aýdanyn jetkizip, vagondarǵa ornalastyrdy. Onda ashana men monshasy bar. Kóp jastar keldi, biraq olardyń kóbi qatal aýa raıyna shydaı almaı keıin ketip qaldy. Men tyńda on jyl jumys istedim. Agronom, kombaıner jáne traktorshy boldym. Ýaqyt óte kele ol eki sovhozda bas mehanık bolyp jumys istedim», - dep jalǵastyrady Alekseı Georgıevıch.
Keıin ony Kókshetaý avtobazasyna mehanık bolyp jumysqa shaqyrdy. Munda onyń bolashaq taǵdyry qalyptasty.
«Úılendim. Kóp uzamaı qalalyq komsomol komıtetine shaqyrylyp, ishki ister organdarynda qyzmet etýdi usyndy. Tótenshe jaǵdaılar departamentinde zeınetkerlikke shyqqanǵa deıin qyzmet ettim. Ákem týraly jıi oılaýshy edim. «Onyń taǵdyry qalaı boldy? Jaýyngerlik jol qandaı boldy? Georgıı Qaısın qaı jerde jatyr?» degen sııaqty»,- deıdi TJD ardageri.
Búgingi kúni A.Qaısın ákesiniń tiri qalǵan jalǵyz fotosýretin saqtap keledi. Fotosýrette gımnasterka kıgen jas, ádemi jigit kórinedi.
Ákesiniń jarqyn beınesi Alekseı Georgıevıchtiń máńgi janynda saqtalǵan.
Keıipkerimizdiń úlken nemeresi Stanıslav Kaısın búgingi tańda Máskeýde turady jáne telejúrgizýshi bolyp jumys isteıdi.
Alekseı Georgıevıch oǵan Qorǵanys mınıstrliginiń Máskeý muraǵatyna habarlasýdy surady.
Bir aıdan keıin ol jaqtan qujattar keldi, onda ol ákesiniń taǵdyry týraly málimet aldy.
Qatardaǵy jaýynger Georgıı Qaısen óziniń jaýyngerlik jolyn Ýkraınada bastady, sodan keıin Polshany azat etý úshin shaıqasty jáne Berlınge deıin jetti.
Şetsın túbindegi shaıqastardyń birinde ol aýyr jaraqat alyp, 1945 jyly 30 sáýirde Uly Jeńis kúnine birneshe kún jetpeı, basqa sarbazdarmen birge aýrýhanada kóz jumypty.
Ony baýyrlastar qabirine jerlegen.
«Germanııa, Geezovonyń soltústik-shyǵysynda», - dep jaýyngerdiń alǵashqy jerlengen jeri qujattarynda kórsetilgen.
«Ákem adamdardyń beıbit ómir súrýi úshin óz janyn qurban etti. Meniń bes nemerem bar. Olar surapyl soǵystaǵy Jeńistiń ózderiniń atalary sııaqty qarapaıym adamdardyń qany men mańdaı terimen kelgenin máńgi este saqtaǵalǵanyn qalaıdy. Men úshin bul óte mańyzdy. Bizdiń balalarymyz ben nemerelerimiz sol qorqynyshty soǵysta qaza tapqandardyń erligin máńgi esinde saqtaıdy», - dep tolyqtyrdy A.Qaısın.
Qazir ony tolǵandyratyn bir másele - ákesiniń qabirine barýǵa kedergi keltirip otyrǵan pandemııa.
Eske sala keteıik, Qazaqstan búgin Jeńis kúnin atap ótip jatyr. Bıyl - 1941-1945 jyldardaǵy Ekinshi dúnıejúzilik soǵystaǵy Jeńistiń 76 jyldyǵy.