Kókshetaýlyq bilim ujymy QR Prezıdenti saılaýyn qoldaıdy
Ýnıversıtet prorektory Amanaı Seıtqasymov aıtýynsha, elimiz táýelsizdik alǵan 27 jylynda aıtarlyqtaı jetistikke qol jetkizdi. El ekonomıka damyp, halyqtyń áleýmettik jaǵdaı túzeldi.
«Qazirgi tańda bizdiń elimiz birligi bekem, ekonomıkasy myǵym qýatty memleket retinde dúnıe júzine tanylyp jatyr. Sondyqtan, bizdiń ýnıversıtet ujymy QR Prezıdenti saılaýynyń bıyl ótýin óte qýanyshpen qoldaıdy», - dedi prorektor Amanaı Seıtqasymov.
Sonymen qatar, konferentsııada joǵary bilim ordasynyń oqytýshylary Talapker Ýálıev pen Aqbota Bekseıitova jınalǵandarǵa saılaýdyń quqyqtary men máni týraly baıandady.
Jalpy konferentsııa sońynda ýnıversıte ujymy bıyl 9 maýsymǵa belgilengen QR Prezıdentiniń saılaýyn qoldap, úndeý joldady.
Úndeý mátininde: «Qazirgi tańda Qazaqstan - kóp ultty, tatýlyq pen beıbitshilik ornap, keremet damyp kele jatqan memleket! Bul memleketimizdiń Tuńǵysh Prezıdenti - Elbasy Nursultan Nazarbaevtyń salıqaly saıasatynyń nátıjesi dep bilemiz, jáne de biz osy saıasattyń jalǵasqanyn qalaımyz. Sondyqtan biz - Shoqan Ýálıhanov atyndaǵy Kókshetaý memlekettik ýnıversıtetiniń ujymy, stýdentter Qazaqstan Respýblıkasynda Prezıdent saılaıýynyń kezekten tys ótkizilýi, óte oryndy oryndy sheshim dep bilemiz», - delingen.