Kókshetaýlyq belsendiler Jambyl Ahmetbekovti qoldaý úshin fleshmob uıymdastyrdy
16:50, 01 Maýsym 2019
KÓKShETAÝ. QazAqparat - 1 maýsym kúni prezıdentitkke kandıdat Jambyl Ahmetbekovtiń Kókshetaý oblystyq saılaýaldy shtaby «RIO» saýda oıyn-saýyq ortalyǵynda fleshmob ótkizdi. Bul týraly Qazaqstan kommýnıstik halyq partııasynyń baspasóz qyzmeti habarlady.
Іs-sharaǵa partııa komıtetiniń belsendileri men ánshiler qatysty. Úmitker Jambyl Ahmetbekovty qoldaý maqsatynda uıymdastyrylǵan shara sheńberinde ártister úmitkerdiń banneriniń janynda keńes kezinde tanymal bolǵan ánderdi oryndady.
Basqosý barysynda oblystyq saılaýaldy shtabtyń jetekshisi, QKHP Aqmola oblystyq komıtetiniń birinshi hatshysy B.Majıtov sóz sóılep, jınalǵandarǵa úmitkerdiń saılaýaldy tuǵyrnamasyn tanystyrdy.
Sóz arasynda ol QKHP kedeıshilikpen kúres jáne otandyq taýarǵa degen suranysty arttyrý syndy bastamalardy alǵa jyljyta beretinin jetkizdi.