Kókshetaýǵa SCAT áýe kompanııasynyń Boeing-735 ushaǵy qatynaıdy

<p>KÓKShETAÝ. KAZINFORM - Jolaýshylardyń kóbeıýine baılanysty SCAT áýe kompanııasy 17 maýsym men 31 tamyz aralyǵynda Aqtaý men Shymkent qalalaryna qatynaıtyn reısterge jolaýshylar oryndarynyń sanyn arttyrýdy qolǵa aldy.</p>

Endi reıster osyǵan deıin 50 orynnyń ornyna 125 oryndyq usynatyn Boeing-735 ushaǵy arqyly júzege asyrylatyn boldy. Aqmola oblysy Týrızm basqarmasynyń málimetinshe, reıster dúısenbi men beısenbi kúnderine josparlanǵan. Bul jolaýshylarǵa yńǵaılylyq pen qoljetimdilikti qamtamasyz etedi.

«Reıster sanynyń artýy ishki týrızmniń odan ári damýyna yqpal etedi. Sonymen birge, bul qadam Aqmola oblysynyń ásem de, sulý tabıǵatyn kórgisi keletin týrısterdi tartýǵa zor múmkindik beredi», - dedi vedomstvodan.

Aıta ketsek, budan buryn Almatydan Alakólge aptasyna bes ret ushaq qatynaıtynyn jazǵan edik.