Býrabaıǵa bir jylda 1 mln sheteldik týrıst kelip júr – Aqmola oblysynyń ákimi

<p>Bıyl Aqmola oblysynyń ákimi Marat Ahmetjanov ortalyq kommýnıkatsııalar qyzmetinde ótken brıfıngide Kókshetaýǵa shetelden keletin týrısterdiń sanyn atady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Jyl saıyn Shýchınsk-Býrabaı shıpajaı aımaǵyna álemniń ár túkpirinen 1 mln sheteldik týrıst keledi. Jalpy Aqmola oblysynyń týrıstik klasterinde 600-den astam kásiporyn bar. Olarda 22 myńnan astam turǵyn jumys isteıdi. Bıyl týrısterdi ornalastyrý baǵytynda 16,5 mlrd teńgeniń qyzmeti kórsetildi. Bul 2022 jylǵydan 29% kóp», - dedi óńir basshysy.

Aımaqta týrızmdi damytý úshin 23 mlrd teńgeniń 65 ınvestıtsııalyq jobasy iske asyrylyp jatqany da aıtyldy.

«Jyldyń 10 aıyndaǵy qorytyndy boıynsha, negizgi kapıtalǵa salynǵan ınvestıtsııa kólemi 2 ese ósip, 23,3 mlrd teńgege jetken. 2024 jyldyń josparynda 25 mlrd teńgeniń 30 jobasy tur. Onyń syrtynda kýrorttyq aımaqtyń ınfraqurylymyn jetildirý jobalary da iske asady», - dedi ákim.