Kókshetaýdaǵy turǵyn úılerdiń birinde gaz jaryldy

KÓKShETAÝ. QazAqparat – Kókshetaýda turǵyn úıdegi páterlerdiń biriniń balkonynda gaz plıtasyn jaǵý kezinde jarylys boldy, dep habarlaıdy QazAqparat tilshisi.

Aqmola oblystyq TJD baspasóz qyzmetiniń málimetinshe, oqıǵa oblys ortalyǵyndaǵy Naýryzbaı batyr kóshesi 130 mekenjaıy boıynsha ornalasqan turǵyn úıde bolǵan.

«Oqıǵa ornyna barǵan TJD qyzmetkerleri kópqabatty turǵyn úıdiń ekinshisi qabatyndaǵy balkonda gaz-aýa qospasynyń jarylǵanyn anyqtady. Shaqyrtý ornyna TJD jeke quramynan 18 adam jáne arnaıy órt sóndirý tehnıkasy tartyldy. Zardap shekkender joq», - dedi QazAqparat tilshisiniń saýalyna Kókshetaý qalalyq Tótenshe jaǵdaılar basqarmasynyń bastyǵy Maksım Shatkovskıı.

Osy rette, Aqmola oblysynyń TJD qyzmetkerleri órt qaýipsizdigi erejelerin saqtaý qajettigin eske salady. Tótenshe jaǵdaı týyndaǵan jaǵdaıda «101» nemese «112» nómirine qońyraý shalýǵa bolady.

Aıta ketsek, kópqabatty turǵyn úıdiń ekinshisi qabatyndaǵy balkonda gaz-aýa qospasynyń jarylysy áleýmettik jelide jarııalanǵan bolatyn.

Eske sala keteıik, budan buryn Aqmola oblysynda jol apatynan júrgizýshi kóz jumyp, eki adam aýrýhanaǵa túskenin jazǵan edik.