Kókshetaýdaǵy tehnıkalyq ınstıtýtqa Málik Ǵabdýlınniń esimi berildi

NUR-SULTAN. QazAqparat – Kókshetaý tehnıkalyq ınstıtýtyna Málik Ǵabdýllın atyndaǵy azamattyq qorǵaý akademııasy mártebesi berildi. Bul týraly Tótenshe jaǵdaılar mınıstrliginiń baspasóz qyzmetinen málim etti, dep habarlaıdy QazAqparat tilshisi.

«QR Úkimetiniń Qaýlysymen Tótenshe jaǵdaılar mınıstrliginiń Kókshetaý tehnıkalyq ınstıtýtyna Málik Ǵabdýllın atyndaǵy azamattyq qorǵaý akademııasy mártebesi berildi», - dedi mınıstrliktiń baspasóz qyzmetinen.

Atalǵan oqý orny 1973 jyldan beri tótenshe jaǵdaı mamandaryn daıyndap keledi. Osy jyly Almaty qalasynan Kókshetaýǵa Qazaq KSR ІІM basqarmasynyń áskerılendirilgen órt kúzetiniń oqý jasaǵy kóshiriledi. Keıin órt kúzetiniń kishi jáne orta basshy quramyn daıarlaý jáne qaıta daıarlaý mektebine, keıin QR ІІM Almaty órt-tehnıkalyq ýchılışesiniń Kókshetaý fılıalyna aınaldy. 1999 jyly Qazaqstan Respýblıkasy Tótenshe jaǵdaılar jónindegi agenttiginiń Kókshetaý tehnıkalyq ınstıtýty bolyp qaıta ataldy. Al 2004 jyldyń 29 qyrkúıeginen bastap QR TJM Kókshetaý tehnıkalyq ınstıtýty bolyp tirkeldi.

«Búgingi kúni ınstıtýt 4 bilim berý baǵdarlamasy boıynsha bilikti mamandardy daıarlaıdy: «Órt qaýipsizdigi», «Tótenshe jaǵdaılarda qorǵaý», «Azamattyq qorǵanys kúshteriniń komandalyq taktıkalyq qutqarý isi» jáne «Órt sóndirý jáne avarııalyq-qutqarý isi». Instıtýtta kúndizgi, qashyqtyqtan oqytý, qosymsha bilim berý jáne joǵary oqý ornynan keıingi bilim berý fakýltetteri jumys isteıdi.

Oqý orny óz tarıhynda 5 myńnan astam maman daıarlaǵanyn atap ótken jón», - dep jazylǵan mınıstrlik málimetinde.