Kókshetaýdaǵy kınoteatrda bıblıo-dámhana ashyldy

KÓKShETAÝ. QazAqparat - Kókshetaýdaǵy kınoteatrda «Kadrdaǵy kıno» jobasy sheńberinde bıblıo-dámhana ashyldy, dep habarlaıdy QazAqparat tilshisi qalalyq mádenıet jáne tilderdi damytý bólimine silteme jasap.

Elbasy N.Á.Nazarbaev «Qazaqstandyqtardyń ál-aýqatynyń ósýi: Tabys pen turmys sapasyn arttyrý» atty Joldaýynda mádenıetti damytý, óskeleń urpaqtyń boıynda shyǵarmashylyq, adamgershilik qasıetter men qazaqstandyq patrıotızmdi qalyptastyrý týraly tapsyrma bergen bolatyn.

«Atalmysh baǵdarlama sheńberinde Kókshetaý qalalyq aqparattyq kitaphana júıesi qalalyq mádenıet jáne tilderdi damytý bóliminiń qoldaýymen «Sınema Alem» kınoteatrynda «Kadrdaǵy kıno» bıblıo-dámhana jobasyn qolǵa aldy. Munda kelýshiler kıno seansy bastalǵansha ártúrli janrdaǵy ádebı kitaptardy oqı alady», - deıdi Kókshetaý qalalyq mádenıet jáne tilderdi damytý bólimindegiler.

Uıymdastyrýshylardyń aıtýynsha, jobanyń basty maqsaty - ósip kele jtaqan jas urpaqqa kitap oqýdy nasıhattaý, klassıkalyq jáne kórkem shyǵarmalarǵa nazaryn aýdarý.

«Bul - uzaqmerzimdi joba. Sondyqtan, joba sheńberinde jyl boıy kóptegen is-sharalar uıymdastyrý josparda bar», - dep tolyqtyrdy vedomstvodan.