Kókshetaýdaǵy kásiporyn jasandy tynys alý apparatynyń 800 danasyn shyǵardy

KÓKShETAÝ. QazAqparat - Kókshetaýdaǵy irgeli kásiporyn – «Tynys» aktsıonerlik qoǵamy koronavırýs ınfektsııasymen kúreste aýadaı qajet qazirgi zamanǵy «Kókshetaý 4P» jasandy tynys alý apparatyn shyǵaryp jatyr, dep habarlaıdy QazAqparat tilshisi qala ákimdigine silteme jasap.

Zaýyt basshylyǵynyń málimetinshe, zaýytta qazirgi zamanǵy «Kókshetaý 4P» ókpeni jasandy jeldetý apparatynyń 800 danasy shyǵarylypty. Ókpeni ottegi-aýa qospasymen jasandy jeldetýge arnalǵan apparat jedel járdem kólikterinde, oqıǵa ornynda, hırýrgııa bólimderinde, jansaqtaý jáne ıntensıvti terapııada qoldanylyp keledi. Respýblıka boıynsha oblystarǵa osyndaı apparattyń 500-den astam danasy jóneltilgen.

«Aqmola oblysy boıynsha 60 jasandy jeldetý apparaty jetkizildi, olardyń ishinde 17 apparat oblystyq densaýlyq saqtaý basqarmasyna qaıyrymdylyq kómek retinde tabys etildi. Zaýytta jasandy tynys alý apparattary jańartylyp, negizgi jınaqtaýshy komplektileri ázirlenýde. Zaýytqa áli de medıtsınalyq mekemeler men jeke tulǵalardan tapsyrystar túsýde», - deıdi qala ákimdigindegiler.

«Jasandy tynys alý apparattary jańartylyp, negizgi jınaqtaýshy komplektileri ázirlenýde. Sondaı-aq kásiporynda 200 daıyn komplektiler bar. Zaýytqa áli de medıtsınalyq mekemeler men jeke tulǵalardan tapsyrystar túsýde», - deıdi qala ákimdigindegiler.

Aıta keteıik, sońǵy kezderi zaýytta negizgi jumystardan bólek, koronavırýs ınfektsııasymen kúresý úshin qajetti «Kókshetaý 4P» jasandy tynys alý apparaty, medıtsınalyq maska, qorǵanys kıimderi shyǵarylyp jatyr.