Kókshetaýdaǵy baǵany turaqtandyrý qorynyń jumysy tıimsiz bolǵan - Antikor

KÓKShETAÝ. QazAqparat - Aqmola oblysyndaǵy «KOKSHE» áleýmettik-kásipkerlik korporatsııasynda birqatar kemshilik anyqtaldy, dep habarlaıdy QazAqparat tilshisi.

«2014 jyldan bastap korporatsııa birlesken jobalardy iske asyrý úshin shamamen 40 jýyq JShS qurǵandyǵy anyqtaldy, alaıda olardyń kópshiligi is júzinde óz qyzmetin júzege asyrmaıdy. Taldaý kórsetkendeı, búgingi kúni áleýmettik-kásipkerlik korporatsııasy shyǵyndy kásiporyn jáne negizinen ákimdiktiń qarjylyq qoldaýy esebinen jumys isteýde», - dedi Aqmola oblysy boıynsha Sybaılas jemqorlyqqa qarsy is-qımyl departamentiniń baspasóz qyzmetinen.

Vedomstvodan atap ótkendeı, turaqtandyrý qorynyń qyzmetinde de tıimdiliktiń jetkiliksizdigi baıqalady. Turaqtandyrý qorynan azyq-túlik ónimderin tómendetilgen baǵamen satý oblys ortalyǵynda ǵana 4 saýda pavılony arqyly júzege asyryldy. Bul óńirdiń barlyq halqynyń qajettiligin ótemeıdi.

«Áleýmettik mańyzy bar azyq-túlik taýarlarynyń baǵasyn turaqtandyrýǵa arnalǵan bıýdjet qarajaty maqsatty jumsalmaǵan. Al turaqtandyrý qorynyń jumys tetiginiń ózi tıimsiz bolyp shyqty. Budan basqa, Kásipkerlik basqarmasy tarapynan áleýmettik-kásipkerlik korporatsııasy qyzmetine tıisti baqylaý joq. Syrtqy taldaý barysynda áleýmettik-kásipkerlik korporatsııasy teńgeriminde jaıylymǵa arnalǵan jalpy aýdany 1 372 ga 17 jer ýchaskesi bar ekeni anyqtaldy. Alaıda bul jerler maqsatyna qaraı paıdalanylmaıdy. Bul rette aýyl turǵyndary jeke aýladaǵy mal jaıý úshin jaıylymdyq jerlerdiń tapshylyǵyna shaǵymdanady. Taldaý barysynda anyqtalǵan sybaılas jemqorlyq táýekelderin joıý úshin oblystyq Antikor tıisti usynystar engizdi», - dep tolyqtyrdy vedomstvodan.

Aıta ketsek, budan buryn Aqmola oblysynda et ónimderiniń 12 paıyzy sapasyz ekeni anyqtalǵan edi.