Kókshetaýdaǵy sý tasqynymen kúresýge jambyldyq qutqarýshylar kómektesip jatyr
15:41, 31 Naýryz 2024
<p>KÓKShETAÝ. KAZINFORM – Kókshetaý qalasynda sý tasqynyna qarsy jumystar jalǵasyp jatyr.</p>
Aqmola oblysy TJD baspasóz qyzmetiniń málimetinshe, bir táýliktiń ishinde oblys ortalyǵynda 47 myń tekshe sý soryldy. Bul jumystarǵa Aqmola oblysy TJD, jergilikti atqarýshy organdardan men Jambyl oblysy TJD barlyǵy 304 adam, 87 birlik tehnıka jáne 16 motopompa jumyldyrylǵan.
«Sý tasqynyna qarsy shtab qurylǵannan beri qoldanystaǵy 2 443 metr bóget nyǵaıtylyp, 2 943 metr jańa bóget turǵyzyldy. Qazirgi ýaqytta Kókshetaý qalasynyń evakýatsııalyq pýnktinde 29 adam bar, onyń 11-i bala», - dedi vedomstvodan.
Aıta ketsek, budan buryn Kókshetaýda qutqarý jumystary qalaı júrgizilip jatqanyn jazǵan edik.