Kókshetaýda jumysshylar berilmeı kelgen 31 mln teńge jalaqysyn prokýratýra kómegimen aldy

KÓKShETAÝ. QazAqparat – Kókshetaý qalasynyń prokýratýrasy birqatar kásiporyn jumysshylarynyń 31 mln teńgege jýyq tólenbeı kelgen jalaqysyn alyp berdi, dep habarlaıdy QazAqparat Aqmola oblysy prokýratýrasynyń baspasóz qyzmetine silteme jasap.

Aqmola oblysy prokýrorynyń atyna «Elevatormelmontaj» JShS qyzmetkerlerinen alǵys hat kelip tústi, onda olar Kókshetaý qalasy prokýratýrasynyń qyzmetkerlerine jalaqy boıynsha bereshegin tóleýge kórsetken kómegi úshin alǵys bildirdi.

«Sonymen, «Elevatormelmontaj PKF» JShS-nda 2017 jyldan bastap 24 qyzmetkerdiń 6,5 mln teńge jalaqysy berilmegen. Prokýratýra qabyldaǵan sharalardyń arqasynda kompanııa atalǵan qaryzdy tolyq kólemde ótedi.

Bankrot bolǵan «Imarko» JShS kásiporynnyń (2017 jyldan bastap bankrot) qyzmetkeriniń 400 myń teńge somasyndaǵy merzimi ótken bereshegi óteldi.

«Esil ÁKK» AQ-nyń 53 jumyskeriniń 8,5 mln teńge somasyndaǵy bereshegi de nazardan tys qalmady», delingen habarlamada.

Sondaı-aq, Kókshetaý qalalyq prokýratýrasy memlekettik organdarmen birlesip 3 kásiporynnyń 78 qyzmetkerine jalpy somasy 15,5 mln teńge jalaqy boıynsha bereshegin óteýge qol jetkizdi.