Kókshetaýda jergilikti turǵynnyń jol talǵamaıtyn qymbat kóligin bireý órtep ketken

<p>Kókshetaýda ózgeniń kóligin qasaqana órtep jibergen kúdikti ustaldy, polıtsııa er adamnyń qylmysqa barý sebebin anyqtap jatyr, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Aqmola oblystyq Polıtsııa departamenti baspasóz qyzmetiniń málimetinshe, 17 jeltoqsanda Kókshetaý qalalyq polıtsııa bólimine kólik ıesinen aryz túsken. Zardap shegýshiniń sózinshe, belgisiz birýler túnde onyń «Nıssan Patrol» avtokóligin órtep jibergen.

«Bul derek Qylmystyq kodekstiń 202-baby 2-bóligi boıynsha sotqa deıingi tergep-tekserýlerdiń biryńǵaı tizilimine tirkeldi (bótenniń múlkin qasaqana joıý). Jedel – izdestirý is-sharalary barysynda tártip saqshylary qylmys jasalǵan aýdanda ornatylǵan beınebaqylaý kameralarynyń jazbalaryn kórip, sol mańdaǵy úılerdiń turǵyndarynan jaýap aldy. Nátıjesinde eki táýliktiń ishinde kúdikti retinde SQO aýyldarynyń biriniń 23 jastaǵy turǵyny anyqtaldy. Qazirgi ýaqytta polıtsııa er adamdy mundaı qylmysqa barýǵa ne ıtermelegenin anyqtap jatyr, - dedi vedomstvodan.

Vedomstvodan atap ótkendeı, QR Qylmystyq kodeksiniń 202-babynyń 2-bóligi boıynsha kúdikti 3-7 myń aılyq eseptik kórsetkishke deıin aıyppul salý nemese sol mólsherde túzetý jumystaryna tartý, ıá bolmasa 3 jyldan 7 jylǵa deıingi merzimge shekteý qoıý nemese sol merzimge bas bostandyǵynan aıyrý jazasyna kesilýi múmkin.

Eske salaıyq, ákesiniń kóligin ruqsatsyz minip ketken kókshetaýlyq úsh jasóspirim jol apatyna ushyraǵan bolatyn.