Kókshetaýda jańa eki alleıa men eki balalar alańy ashyldy

KÓKShETAÝ. QazAqparat - QR Tuńǵysh Prezıdenti kúni Kókshetaý qalasynda jańa alleıa men balalar men sport alańy ashyldy. Jańadan ashylǵan nysandardy aımaq basshysy Málik Myrzalın aralap kórdi, dep habarlaıdy QazAqparat tilshisi ákimdiktiń baspasóz qyzmetine silteme jasap.

Bul joly qalanyń ortalyǵyndaǵy Abaı kóshesiniń boıynda ashylǵan «Jastar» alleıasynda qala turǵyndary demalyp qana qoımaı, sportpen de shuǵyldana alady.  Munda trotýar,  oryndyqtar, sport alańdary qarastyrylǵan. Sondaı-aq, aǵash kóshetteri otyrǵyzylyp, kóshe jattyǵýyna arnalǵan sporttyq quraldar ornatyldy.

Sonymen qatar, Prıvokzalnyı shaǵyn aýdanynda «Temirjolshylar» alleıasy ashyldy. Munda da trotýar,  oryndyqtar, sport alańdarymen qosa shaǵyn sáýlet eskertkishteri qarastyrylǵan.

Al, Vasılkovka shaǵyn aýdany men Іlııas Esenberlın kóshesiniń boıynda kóshe jattyǵýy sanalatyn street-workout alańy bar qazirgi zamanǵa saı jabdyqtalǵan balalar alańy paıdalanýǵa berildi.