Kókshetaýda ıAdrolyq synaqtarǵa qarsy halyqaralyq kúres kúnine oraı mıtıng ótti
Osy másele boıynsha qarar jobasy Qazaqstan tarapynan usynys tapqan bolatyn. Oǵan Armenııa, Belarýs, Tájikstan jáne Túrkimenstan tárzdi 26 memleket qoldaý kórsetti. Sonyń nátıjesinde 1991 jyldyń 29 tamyzynda QR Prezıdenti N.Nazarbaevtyń Jarlyǵymen Semeı ıadrolyq synaq polıgony resmı túrde jabyldy. Bul elimizdiń álemdegi eń iri ıadrolyq qarý arsenalynan bas tartýdaǵy alǵashqy qadamy boldy.
Mıtıngke úkimettik emes jáne jastar uıymdarynyń, Chernobyl apatynyń zalaldaryn joıýǵa qatysýshylar, Semeı polıgonynyń turǵyndary jáne memlekettik organdardyń ókilderi qatysty. Jınalǵandar ıadrolyq synaqtan zardap shekkenderdi bir mınýt únsizdikpen eske aldy.
Qatysýshylar aldynda sóz sóılegen Aqmola oblystyq ishki saıasat basqarmasynyń basshysy Gúljanar Shókeeva osydan 27 jyl buryn Memleket basshysy N.Nazarbaevtyń bastamasymen álemdegi eń iri ıadroly synaq polıgony jabylǵanyn atap ótti.
«Qazaqstannyń ıadrosyz bastamasynyń sońǵy jyldary nátıjesin jáne ıadrolyq qarýdy múldem tyıýdaǵy mańyzdylyǵyna kóz jetkizip otyrmyz. Osylaısha, Qazaqstan odan ári de ıadrolyq qarýsyz álem ornatýda belsendilik tanyta beretin bolady», dep atap ótti G.Shókeeva.
Sonymen qatar, Semeı polıgonynyń turǵyny Óserbek Sársenbaev ıadrolyq qarýsyz beıbitshilik ornatýda belsendi bolýǵa shaqyrdy.
Eske sala keteıik, 1945 jyldan bastap, búkil dúnıejúzinde barlyǵy 2000-nan astam ıadrolyq qarý synaqtan ótkizildi. Onyń 460 Semeı polıgonynda júzege asyryldy. Odan mıllıondaǵan adam zardap shekti. Mıtıngte beıbitshilik sımvoly jáne ıadrolyq qarýdan bas tartý retinde aq kógershinder ushyryldy.