Kókshetaýda «Úsh báıterek: taǵdyr men taǵylym» atty ǵylymı konferentsııa ótti
Dostyq úıinde qazaq ádebıetiniń úsh báıteregi atanǵan uly tulǵalar - Sáken Seıfýllın, Beıimbet Maılın jáne Іlııas Jansúgirovtiń 125 jyldyq mereıtoıyna arnalǵan ǵylymı konferentsııaǵa Aqmola oblysy ákiminiń orynbasary Aına Mysyrálimova qatysyp, sóz sóıledi.
«Elbasynyń bastamasymen elimizde jyl saıyn saıası qýǵyn-súrgin qurbandaryn eske alý kúni dástúrli atalyp ótip kele jatyr. Búgin sol jyldardaǵy oqıǵalardy boıymyzǵa sińire otyryp, ótkenimizdiń qandaı aýyr bolǵanyn sezemiz. Jeńis pen sátsizdik, qýanysh pen qaıǵy qatar shapqan zamannan sabaq alyp, halqymyzdyń tarıhy men taǵdyryna asa qamorlyqpen qaraýymyz qajet», - dedi Aına Mysyrálimova.
Sonymen qatar, sharada QR Eńbek sińirgen ártisi, belgili sákentanýshy Serik Ospanov, Sh.Ýálıhanov atyndaǵy Kókshetaý memlekettik ýnıversıtetiniń professory, fılologııa ǵylymdarynyń kandıdaty Sábıt Jámbek pen aǵa oqytýshy Ǵalymtaı jáne ózge de tanymal el aǵalary asharshylyqty basynan ótkermegen keıbireýler bul zulmatty ańyz sekildi qabyldaǵanymen, surapyl náýbet halqymyzdyń bastan keshken shynaıy taǵdyry ekenin aıtyp, lagerlerde ultymyzdyń ardaqty azamattary myńdap qurban bolǵanyna tebirene toqtaldy. Olardyń arasynda jazyqsyzdan jazyqsyz jala jabylyp, qurban bolǵan Sáken Seıfýllın, Beıimbet Maılın jáne Іlııas Jansúgirovtiń ult rýhanııatyn dańqty týyndylarymen, taqyryp baılyǵymen, janrlyq qyrlarymen, kórkemdik álemimen baıytý arqyly qazaq eliniń damýyna qosqan úlesi jóninde aıtyldy.
Budan bólek, konferentsııaǵa jınalǵandar Kókshetaýdaǵy eski musylmandar zıratynda bolyp, Keńes odaǵynyń batyry Məlik Ǵabdýllınniń anasy Əlııa Ospanqyzyna, kórnekti din qaıratkeri Naýan Haziretke jəne halqymyzdyń birtýar perzenti Səken Seıfýllınniń uly Aıanǵa quran oqytty.