Kókshetaýda turǵyn úıge «bomba» qoıǵan er adam ustaldy

KÓKShETAÝ. QazAqparat – Kókshetaýda turǵyn úıge bomba qoıylǵany týraly habarlap, jurtty dúrliktirgen kúdikti anyqtaldy, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, qazannyń 17-de Kókshetaý qalalyq PB jedel basqarý ortalyǵynyń «102» jelisine belgisiz er adam habarlasyp, turǵyn úıdiń aýmaǵynda jarylǵysh qurylǵy qoılyǵanyn aıtqan.

«Osyǵan baılanysty aıtylǵan úıdiń aýmaǵy qorshalyp, turǵyndary evakýatsııalandy. Jarylǵysh zatty izdestirý sharalaryna saperler men ıisshil ıtter tartyldy. Nátıjesinde jarylǵysh zat tabylǵan joq», - dedi vedomstvodan.

Departamenttiń baspasóz qyzmetinen atap ótkendeı, polıtsııa qyzmetkerleri birden jalǵan habar bergen jergilikti turǵyndy anyqtady.

«Mas kúıde bolǵan er adam óziniń áreketin «bomba» qoıylǵan úıdegi dúkende jumys isteıtin, buryn birge turǵan áıeldiń nazaryn ózine aýdarmaqshy bolǵanyn aıtyp aqtalmaqshy boldy. Qazirge kezde, Qylmystyq kodekstiń 273-baby «terrorızm aktisi týraly kórineý jalǵan habar» boıynsha sotqa deıingi tergeý amaldary júrgizilýde», - dep tolyqtyrdy vedomstvodan.

Aıta kestek, polıtsııa qyzmetkeri qaza tapqan jol apatyna qatysty málimet berildi.