Kókshetaýda terrorızmge qarsy oqý-jattyǵýlar ótýde
15:14, 03 Mamyr 2017
ASTANA. QazAqparat - Kókshetaýda antıterrorıstik oqý-jattyǵýlar ótip jatyr, dep habarlady Aqmola oblystyq ІІD-niń baspasóz qyzmetinen.
«3 mamyr kúni Kókshetaý aýmaǵynda Terrorızmge qarsy ortalyq shtabynyń, UQKD, ІІD, TJD jáne terrorızmge qarsy kúres boıynsha Aqmola oblystyq jedel shtabyna enetin ózge de múddeli memlekettik organdardyń qatysýymen terrorızmge qarsy oqý-jattyǵýlar ótip jatyr», - delingen habarlamada.
Oqý-jattyǵýdyń negizgi mindeti - terrorıstik áreketke qarsy operatsııalardy júrgizý úshin kúshter men quraldardyń úzdiksiz daıyndyǵyn qamtamasyz etý, vedomstvoaralyq ózara baılanysty nyǵaıtý.
Qala turǵyndary ótkizilip jatqan is-sharalarǵa jáne bolýy múmkin ýaqytsha qolaısyzdyqtarǵa túsinistikpen qaraýǵa shaqyrylady.