Kókshetaýda temirjol saıajaıyn sý basyp qaldy

<p>KÓKShETAÝ. KAZINFORM &ndash; Kókshetaýdaǵy temirjol saıajaıyn sý basyp qaldy. Bul týraly saıajaı ıeleri áleýmettik jelide jarııalady.</p>

Qala ákimdiginiń málimetinshe, Shaǵalaly sý qoımasynan sý aǵyzý barysynda 53 temirjol saıajaıyn sý basyp qalǵan.

«Shaǵalaly sý qoımasynan sekýndyna 90 tekshe metrge deıin sý aǵyzylýyna baılanysty búgin 4-shi sáýirde 53 temirjol saıajaıyn sý basyp qaldy. Bul jyl saıyn sý aǵyzý kezinde bolatyn qubylys. Sý jasyl jelekter aımaǵyn basyp qaldy, onda jumys isteý múmkin emes. Jalpy saıajaı massıvinde barlyǵy 243 saıajaı bar. Saıajaı ýchaskeleriniń ıeleri aldyn ala habardar etildi, eshkim zardap shekken joq. Barlyǵy jergilikti atqarýshy organdardyń baqylaýynda», - dep túsindirdi Kazinform tilshisiniń saýalyna qalalyq ákimdikten.

Aıta ketsek, budan buryn Kókshetaýda sý tasqynynan múlkine zııan kelgen 65 adamnan ótinish túskenin jazǵan edik.