Kókshetaýda «Táýelsizdik týyn bıik kótergen – Abylaı han» atty jyljymaly kórme ashyldy

KÓKShETAÝ. QazAqparat – Aqmola oblysy mádenıet, arhıvter men qujattamalar basqarmasyna qarasty Málik Ǵabdýllın mýzeıinde QR Táýelsizdiginiń 30 jyldyǵy men «Abylaı hannyń 310 jyldyǵyna arnalǵan «Táýelsizdik týyn bıik kótergen – Abylaı han» atty jyljymaly kórmeniń saltanatty ashylýy bolyp ótti, dep habarlaıdy QazAqparat tilshisi vedomstvonyń málimetine silteme jasap.

«Kókshetaý – Qazastannyń mádenı astanasy» jol kartasy aıasynda Petropavl qalasyndaǵy «Abylaı han rezıdentsııasy» mýzeı kesheni usynǵan kórme Aqmola oblysy ákiminiń orynbasary Aına Mysyrálimova jáne jazýshy, drammatýrg, «Tirshilik» JShS dırektory Jabal Erǵalıevtiń quttyqtaý sózimen bastaldy.

Úsh júzdiń basyn qosqan, qazaq tarıhyndaǵy uly memleket qaıratkeri Abylaı han men Atyǵaı Qaraýyldyń betke ustar bıi Qanaı sheshen arasyndaǵy dostyq pen selkeý túspegen senimdilik keshegi tarıh betterinde tańbalanyp jazylyp qaldy. Qanaı sheshen qazaq halqynyń qaharman uly, memleket jáne qoǵam qaıratkeri Málik Ǵabdýllınniń toǵyzynshy atasy.

«Esil-Kókshe óńiriniń túpki tarıhy bir-birimen bite qaınasyp jatqan, talaı ulylardy dúnıege ákelgen qaraǵaıly-qasıetti meken. Qos tulǵalyq mýzeıdi baılanystyratyn ataqty tulǵa Abylaı hannyń ómiri men qyzmetine arnalǵan «Táýelsizdik týyn bıik kótergen Abylaı han» atty kórmemen ekskýrsovod Nazgúl Beısenbına tanystyrdy», - dedi Aqmola oblysy mádenıet, arhıvter men qujattamalar basqarmasynnyń baspasóz hatshysy.

Іs-sharaǵa kókshelik zııaly qaýym jáne buqaralyq aqparat quraldarynyń ókilderi qatysty.

Jyljymaly kórme maýsymnyń 11- 25 kúnderi aralyǵynda jumys isteıdi.