Kókshetaýda tanymal sportshylar polıtsııaǵa kóshelerdi patrýldeýge kómektesýde

KÓKShETAÝ. QazAqparat -Kókshetaýda tanymal sportshylar polıtsııaǵa kóshelerdi patrýldeýge kómektesýde, dep habarlaıdy QazAqparat tilshisi.

Bul týraly bokstan KSRO, Eýropa chempıony, Kókshetaý qalalyq máslıhatynyń depýtaty Mereke Júsipov óziniń áleýmettik jelidegi paraqshasynda jarııalady. Ol jazbada sportshylar tártip saqyshlarymen birlesip, keshkilik ýaqytta Kókshetaý qalasynyń kóshelerinde qoǵamdyq tártip saqtalýyna atsalysyp jatqany atap ótilgen.

Sonymen birge, qala ákimdiginiń baspasóz qyzmeti kekýshın karate federatsııasynyń prezıdenti Álimjan Moldaǵalı bastaǵan sportshylar da polıtsııa qyzmetine kómektesip jatqanyn aıtýda.

«Belsendilik tanytqan sportshylarǵa alǵys bildiremiz. Qala turǵyndaryn belsendilik tanytyp, qosylýǵa shaqyramyz», - delingen vedomstvonyń málimetinde.