Kókshetaýda sý tasqynyna baılanysty Tótenshe jaǵdaı jarııalandy

<p>KÓKShETAÝ. KAZINFORM &ndash; Kókshetaýda Qylshaqty ózeniniń arnasynan asyp, turǵyn úılerdi, áleýmettik nysandardy, kósheler men úı aýlalaryn sý basýyna baılanysty Tótenshe jaǵdaı jarııalandy.</p>

«Kókshetaý qalasynda qalyptasqan jaǵdaıǵa baılanysty, ıaǵnı Qylshaqty ózenindegi sýdyń deńgeıi shamadan tys kóterilýi turǵyndardyń ómir súrýine qolaısyzdyq týǵyzdy. Jaǵdaıdy turaqtandyrý úshin Tótenshe jaǵdaı engizildi. Sonyń sheńberinde keltirilgen shyǵyn kólemi anyqtalyp, komıssııa arqyly materıaldyq kómek máselesi sheshiletin bolady. Sý tasqynynan keltirilgen zalaldardy joıý boıynsha jedel shtab quryldy. Sý basqan aımaqtardaǵy turǵyndardy evakýatsııalaý jumystary júrgizilýde, qazirgi kezde 100 jýyq adam arnaıy daıyndalǵan oryndarǵa ornalastyryldy. Jerlesterime jaǵdaıdy túsingenińiz úshin jáne sý tasqynyna qarsy kúreste qoldan kelgenshe kómek kórsetkenińiz úshin alǵys aıtamyn»,-  dedi qala ákimi Baýyrjan Ǵaısa.

Aıtýynsha, sý tasqynynan zardap shekkender kókshetaýlyq 8775 666 99 08 (Vatsap) telefon nómiri boıynsha habarlasýǵa bolady.

Aıta ketsek, qazirgi tańda Kókshetaý qalasynda sý tasqynynan zardap shekken qala turǵyndaryna qoǵam belsendileri, metsenattar, eriktiler jáne basqa da azamattar kómek qoldaý kórsetýde.

Eske salaıyq, budan buryn Kókshetaýda sý tasqynyna baılanysty 52 adam evakýatsııalanǵanyn jazǵan edik.