Kókshetaýda soǵys ardagerlerine 250 myń teńge kóleminde járdemaqy beriledi

KÓKShETAÝ. QazAqparat - Kókshetaýda 9 mamyr merekesinde ardagerlerge 250 myń teńge kóleminde járdemaqy beriledi, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.

Aǵymdaǵy jyly UOS ardagerlerine beriletin bir rettik járdemaqy kólemi ósip otyr. Maıdanda qatysqan 24 ardager 250 myń teńge kóleminde járdemaqy aldy. Sonymen qatar, Lenıngrad qorshaýynda bolǵan turǵyndar, kontslager tutqyndary, maıdanda qaza tapqan jaýyngerlerdiń jubaılary da eskerýsiz qalmaıdy. Olarǵa bir rettik beriletin járdemaqynyń jalpy kólemi 93 myń teńgeni qurap otyr.

Kókshetaý qalasynda turatyn 1 814 tyl eńbekkeriniń ishindegi marapattalǵan  97-siniń esepshotyna 20 myń teńgeden, al qalǵandaryna  10 myń teńgeden aýdaryldy.

Eske sala ketsek, 9 mamyr - Jeńis kúnine oraı aqtóbelik soǵys ardagerlerine 300 myń teńgeden beriledi, al elordalyq ardagerler 511 myń teńge kóleminde áleýmettik kómekke ıe bolady.