Kókshetaýda saılaýǵa qatysty jıyn ótti
M.Jumabaev atyndaǵy Aqmola oblystyq ámbebap ǵylymı kitaphanasyndaǵy jıynǵa Aqmola oblysynyń mádenıet, muraǵattar men qujattamalar basqarmasy jáne qalanyń shyǵarmashylyq jáne ǵylymı ıntellıgentsııa, BAQ ókilderi qatysyp, 2019 jyldyń 9 maýsymyna belgilengen Qazaqstan Respýblıkasy Prezıdentiniń kezekten tys saılaýyn ótkizýge qatysty óz pikirlerin ortaǵa saldy.
M.Jumabaev atyndaǵy Aqmola oblystyq ámbebap ǵylymı kitaphanasynyń dırektory Talǵat Ybyraev shyǵarmashylyq jáne ǵylymı ıntellıgentsııa ókilderiniń pikiri qoǵam úshin mańyzdy ekenin atap ótti.
«Bıylǵy jyldyń 9 maýsymyna josparlanyp otyrǵan kezekten tys prezıdent saılaýyn ótkizý qazaqstandyqtar úshin mańyzdy qadam. Elimizdiń odan ári damýy úshin elge turaqty prezıdent kerek. Bıylǵy saılaý el tarıhyndaǵy úlken oqıǵa bolmaq», - deıdi Talǵat Ybyraev.
Sonymen qatar, Abaı Myrzahmetov atyndaǵy Kókshetaý ýnıversıtetiniń «Rýhanı jańǵyrý» kafedrasynyń meńgerýshisi, tarıh ǵylymdarynyń doktory Roza Sabyrqyzy, M.Jumabaev atyndaǵy Aqmola oblystyq ámbebap ǵylymı kitaphanasy dırektorynyń orynbasary Galına Savenkova men kitaphanashysy Núrúsh Oralbek, ádebıet jáne óner murajaıynyń aǵa ǵylymı qyzmetkeri Gúlzaıra Sabıtova, Aqmola oblystyq ardagerler keńesiniń tóraǵasy Ǵosman Tóleǵul sóz sóılep, eldegi jaǵdaı jáne Prezıdent saılaýynda belsendi bolýdyń mańyzdylyǵy týraly óz pikirlerin ortaǵa saldy.
Barlyq qatysýshy bir aýyzdan elimizdiń bolashaǵy ózimizdiń qolymyzda, aldaǵy saılaýda óz tańdaýymyzdy jasaımyz degen pikirde boldy.