Kókshetaýda Səken Seıfýllınniń ulyna quran baǵyshtaldy

KÓKShETAÝ. QazAqparat - Kókshetaýdaǵy eski musylmandar zıratynda Keńes Odaǵynyń Batyry Məlik Ǵabdýllınniń anasy Əlııa Ospanqyzyna, kórnekti din qaıratkeri Naýan Haziretke jəne  halqymyzdyń birtýar perzenti Səken Seıfýllınniń uly Aıanǵa quran baǵyshtaldy, dep habarlaıdy «QazAqparat» HAA tilshisi.

Saıası qýǵyn-súrgin jəne asharshylyq qurbandaryn eske alý kúnine  oraı, bul sharany Məlik Ǵabdýllın mýzeıi men  «El birligi» qoǵamdyq birlestigi uıymdastyrdy.

Duǵany Qazaqstan musylmandary dinı basqarmasynyń Aqmola oblysyndaǵy ókil ımamy Qýanysh Jumabaıuly baǵyshtady.

Budan soń oblystyq ardagerler keńesiniń tóraǵasy Ǵosman Tóleǵul jurtshylyqqa sol bir zulmat qasiretti  taratyp aıtyp berdi.

Səken Seıfýllınniń  uly Aıan  1936 jyly qarasha aıynda dúnıege kelgen.  Keıbir derekterde zańǵar jazýshy Muhtar Əýezov  səbıdiń

esimin qoıǵany týraly aıtylǵan. Ókinishke oraı, Aıannyń ǵumyry uzaq bolmady. Eske alý  barysynda aqyn Almas Temirbaı Səken Seıfýllınniń  rýhyna arnap óleń oqydy.