Kókshetaýda polıtsııa jastardyń tóbelesin toqtatý úshin qyzmettik qarý qoldandy

<p>KÓKShETAÝ. KAZINFORM &ndash; Kókshetaýda jastar eki topqa bólinip tóbelesti. Polıtsııaǵa 13 adam jetkizilip, onyń úsheýi ýaqytsha ustaý oqshaýlaǵyshyna qamaldy.</p>

Aqmola oblysy Polıtsııa departamenti baspasóz qyzmetiniń málimetinshe, oqıǵa 6 aqpanda bolǵan. QR «Quqyq qorǵaý qyzmeti týraly» Zańynyń 61 jáne 62-baptaryna sáıkes tártip buzýshylardy ustaý jáne qoǵamdyq tártipti buzýdyń jolyn kesý kezinde polıtsııa qyzmetkerleri qyzmettik qarýdan bos patrondarmen aýaǵa oq atqan.

«Qabyldanǵan sharalardyń barysynda 13 adam ustalyp, polıtsııaǵa jetkizildi, onyń úsheýi ýaqytsha ustaý ızolıatoryna qamaldy. Qazirgi ýaqytta sotqa deıingi tergeý sheńberinde 293-bap boıynsha janjaldyń sebepteri jáne ózge de mán-jaılary anyqtalýda. Oqıǵa barysynda eshkim zardap shekken joq», - dep túsindirdi Kazinform tilshisiniń saýalyna vedomstvonyń baspasóz qyzmetinen.

Aıta ketsek, budan buryn Aqmola oblysynda 24 jastaǵy qyz toǵyzynshy qabattan sekirgenin jazǵan edik.