Kókshetaýda Pfizer vaktsınasyn salý bastaldy

KÓKShETAÝ. QazAqparat - Kókshetaýda Pfizer vaktsınasyn salý naýqany bastaldy, dep habarlaıdy QazAqparat tilshisi oblystyq sanıtarlyq-epıdemıologııalyq baqylaý departamentiniń baspasóz qyzmetine silteme jasap.

Vedomstvonyń málimetinshe, Dúnıejúzilik densaýlyq saqtaý uıymy (DDSU) usynǵan Pfizer vaktsınasy 12-18 jas aralyǵyndaǵy balalar men jasóspirimderge, júkti jáne bala emizetin analar salynady.

«Búgin «Viamedis» jaýapkershiligi shekteýli seriktestigi jáne Kókshetaý qalalyq emhanasynda 12 jastan 18 jasqa deıingi 16 jasóspirim, 1 júkti jáne 1 laktatsııa kezeńinde áıel vaktsına aldy. Vaktsınatsııa-kóptegen juqpaly aýrýlardan qorǵaýdyń jalǵyz joly», - dep atap ótti vedomstvodan.

Aıta ketsek, Aqmola oblysyna 35 myń dana Pfizer vaktsınasy jetkizilgen edi. Atalǵan vaktsına eń aldymen balalar, 12-17 jas aralyǵyndaǵy jasóspirimder men júkti áıelderge (16-37 aptadaǵy júktilik merzimindegi aıaǵy aýyr kelinshekterge), bosanǵanyna 42 kún tolǵan bala emizetin analarǵa salynatyn bolady.