Kókshetaýda órtengen kólikten tabylǵan er adamnyń kim ekeni anyqtaldy
Aqmola oblystyq Polıtsııa departamenti baspasóz qyzmetiniń málimetinshe, bıylǵy jyldyń 5-shi qarashasynda Kókshetaý qalasynyń polıtsııa basqarmasyna oblys ortalyǵynyń 33 jastaǵy turǵynynan «Mersedes ML» avtokóliginiń urlanǵany týraly aryz tústi. Kólik ıesine keltirilgen zalal somasy 3 mıllıon 200 myń teńgeni qurady.
Osy derek boıynsha polıtsııa basqarmasy QR QK 200-baby 3-bóligi «Kólikti zańsyz ıemdený» boıynsha sotqa deıingi tergeýdi bastady.
«Urlanǵan «Mersedes ML» avtokóligi Áýezov-Podgornaıa kósheleriniń qıylysynda Krasnoıar baǵytynda órtengen kúıinde tabyldy. Júrgizýshi beton aıaldamaǵa soǵylyp, sol jerde kóz jumdy. Krımınalıstıkalyq esepke alý bazasy boıynsha qaza tapqan adamnyń jeke basy anyqtaldy, ol buryn qylmystyq jaýapqa tartylǵan, Nurly kósh kentiniń 23 jastaǵy turǵyny bolyp shyqty», - dedi vedomstvodan.
Aıta ketsek, budan buryn Kókshetaýda jeńil kólik órtenip júrgizýshisi kóz jumǵanyn jazǵan edik.