Kókshetaýda «Nurly jer» baǵdarlamasy boıynsha 11 turǵyn úı salynýda
«Qazir qalada 11 úıdiń qurylysyn júrgizip jatyrmyz, bıyl 8 úıdi paıdalanýǵa berýdi josparlap otyrmyz. Jergilikti atqarýshy organdar tarapynan kezekte turǵandar úshin jalǵa beriletin turǵyn úıdi qarjylandyrý endi qarastyrylmaǵanyn birden qosqym keledi. Barlyq qarjylandyrý tek nesıelik turǵyn úıge arnalǵan, ıaǵnı bul baǵdarlama qatysqy keletinder birinshiden páter kezinde turýy jáne «Otbasy bankinde jınaqtary bolýy tıis», - dedi qala ákimi Baýyrjan Ǵaısa.
Qala basshylyǵynyń málimetinshe, oblys ortalyǵynda áleýmettik nysandardyń qurylysy jalǵasýda. Sóıleý qabileti buzylǵan balalarǵa arnalǵan balabaqshalar salynýda, sondaı-aq, polıtsııa departamentiniń ǵımaraty, 1500 jáne 1200 oryndyq mektep, «Arlan» hokkeı akademııasy úshin shaıbaly hokkeıge arnalǵan jabyq muz arenasyn salý josparlanǵan.
«Stantsıonnyı kenti turǵyndarynyń máseleleri de nazardan tys qalmaıdy. Búgingi tańda mádenıet úıi men meshittiń qurylysy boıynsha jobalardy júzege asyrý josparlanǵan», - dedi qala ákimi.
Aıta ketsek, Kókshetaýda 256 kóp páterli turǵyn úı, 21 bilim berý nysany, 2 saýda ortalyǵy, sondaı-aq saıabaq aımaǵyn salý josparlanyp otyr.