Kókshetaýda memlekettik qyzmetshiler arasynda memlekettik tilden zııatkerlik oıyny ótkizildi

NUR-SULTAN. QazAqparat - Qazaqstan halqy tilderi kúnine arnalǵan onkúndik aıasynda Kókshetaý qalasynda Qazaqstan Táýelsizdiginiń 30 jyldyǵyna oraı «Ushqyr oımen sheshen til» atty zııatkerlik oıyn ótkizildi, dep habarlaıdy QazAqparat Aqmola oblysynyń ishki saıasat basqarmasyne silteme jasap.

Atalǵan is-shara «Rýhanı jańǵyrý» óńirlik jobalyq keńsesimen uıymdastyryldy. Іs-sharanyń maqsaty - memlekettik tildi nasıhattaý jáne onyń qoldaný aıasyn keńeıtý.

Zııatkerlik oıynǵa Aqmola oblysynyń bilim, deńsaýlyq saqtaý, jer qatynastary, týrızm basqarmalarynyń jas memlekettik qyzmetshileri jáne oblystyq jastar resýrs ortalyǵynyń mamandary qatysty. Ár komandada úsh oıynshydan boldy.

«Oıyn erejesi bes kezeńnen turdy. Qatysýshylar maqal-mátelderdi jalǵastyrdy, sóılemder qurady, jańyltpashtyń ishinde artyq sózdi taýyp, sózjumbaqtardy sheshti. Oıynshylar qazaq tilin tereń meńgergenin kórsetti. Іs-shara tartysty da qyzyqty ótti. Barlyq qatysýshyǵa alǵys aıtamyz», - dedi óńirlik jobalyq keńsesiniń uıymdastyrý jobalaý bóliminiń basshysy Erden Nurmuhamet.

Oıyn qorytyndysy boıynsha, bilim basqarmasynyń komandasy jeńimpaz atandy.

Barlyq qatysýshylar «Rýhanı jańǵyrý» óńirlik jobalyq keńsesiniń alǵys hattarmen jáne kádesyılar berildi.