Kókshetaýda mekteptiń jertólesin sý basyp qaldy

<p>KÓKShETAÝ. KAZINFORM - Kókshetaýda Birlik shaǵyn aýdanyndaǵy №22 mekteptiń jertólesi erigen qar sýyna tolyp qaldy. Bul týraly áleýmettik jelidegi jergilikti pablıkterdiń paraqshasynda <a href="https://www.instagram.com/reel/C45y-fTNjDW/?utm_source=ig_web_copy_link&amp;igsh=MzRlODBiNWFlZA%3D%3D" target="_blank" rel="noopener">vıdeo</a> jarııalandy.</p>

Kókshetaý qalalyq bilim bóliminiń basshysy Aıgúl Nógertaevanyń aıtýynsha, keshe saǵat 22:10-da jertóledegi sý sorylyp syrtqa aǵyzyldy. Sý sorý jumystaryna 10-ǵa jýyq tehnıka tartyldy. Barlyq elektr qurylǵylary shaǵyn ortalyqta jeliden ajyratyldy.

«Endi táýlik boıy kezekshilik qoıamyz. Túni boıy mektep aýlasynda boldyq. Ákimdik ergin qar sýynyń mektep aýlasyna kirgizbeýge bar kúshin salýda. Qazir mekteptiń jertólelerinde sý joq. Júk kólikterimen qum tasymaldanýda», - dep jaýap qatty Kazinform tilshisiń saýalyna Aıgúl Nógertaeva.

Aıtýynsha, bir túnde 40-qa jýyq mashına sý sorylyp, 10 mashınaǵa jýyq qar shyǵaryldy. Dál qazir qala boıynsha jaǵdaı turaqty. Kókshetaý qalasyndaǵy barlyq mektepter men balabaqshalardyń kóktemgi sý tasqynyna daıyndyǵy boıynsha aqparat jınastyrylýda.

Aýmaqtyq TJD málimetinshe, Birlik shaǵyn aýdanyndaǵy №22 mekteptiń jertólesindegi sýdy sorýǵa «Kókshe-Tazalyq» JShS atsalysqan.

«Sý jertólege tartylǵan elektr symdarynyń sańylaýlary arqyly aqqan. Qazirgi ýaqytta sýdyń aǵýy toqtatyldy, - dedi vedomstvodan.

Aıta ketsek, budan buryn Aqmola oblysynda muz jarý jumystary bastalǵanyn jazǵan edik.